Lungguh (10)
Diposting oleh : Administrator
Kategori: Cerita Sambung - Dibaca: 303 kali

Ing tata lair Martini krasa penak nunggang Avanza karo Darwin. Naging atine kaya ninggal bayi ana sapinggire jurang jero kang lena sedhela wae bisa cilaka. “Apu­­ranen ibu ya, Jat, ibu ing posisi bi­ngung, Nak,” batine Martini nggrantes ka­ro tansah nyawang playune ambulan sing ana ngarepe.

Playune ambulan banter banget, ora beda karo pikirane Martini kang uga mla­yu kebat ngrasakake panandhange Jat­miko. Nanging emane dheweke ora bisa bangga merga kepalang tatanan mi­nang­ka bojo kang kudu setya tuhu apa jare sing lanang, sanadyan atine brontak yen satenane Darwin iku kejem.

Beda karo sing ana utege Darwin esuk iki. Atine rumangsa mbedhodhog nyetiri Avanza anyar dijejeri wanita ayu kang umure durung patangpuluh loro. Dhasar wonge wis ayu kathik kulina dan­dan kaya yen nyambut gawe minangka petugas lapangan asuransi. Esuk iki sa­nadyan jroning kahanan kang susah, na­nging merga kulina ngopeni awak lan rupa, sanadyanta ora nganggo make up kaya yen medhayoh menyang kantor-kan­tor utawa perusahaan gedhe kanggo golek nasabah, ayune Martini isih bisa disawang.

“Susah ya susah. Aku bisa ngrasak­ake kok rasane atimu. Nanging aku ya butuh awakmu lho, Mar,” ucape Darwin  nyambi ngelus rambute Martini. Martini ing batin njondhil, kok neng kahanan sing kaya ngene Darwin kober-kobere ngajak romantis. Martini ora wangsulan.

Nyut Martini eling Giyanto kang kirim es-em-es jare arep duwe anak mantu na­nging durung kober diwangsuli. Ang­gone kelingan Giyanto mau merga Darwin ngusap rambute. Martini kelingan na­lika neng warung tendha Malioboro dheweke ambruk ana pangkone Giyanto, lan Giyanto ngelus rambute kebak sih karo guneman alus yen dheweke isih nresnani Martini. Nanging Martini rumangsa salah ora wangsulan kang sanyatane. Pikirane Martini, mokal bisa ketemu Giyanto maneh kanthi mirunggan awit Giyanto wis nganggep rampung perkara tresnane marang dheweke.

Playune ambulan kang nggawa Jatmiko prasasat……………

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik