Menpora Protes Keras, Cabor Angkat Besi 62 Kg Dicoret
Diposting oleh : Administrator
Kategori: Olahraga - Dibaca: 172 kali

Menteri Pemuda lan Olahraga, Imam Nahrawi, protes keras kanthi dicorete ca­bang olahraga angkat besi nomer 62 kilogram. Sebab, ujare Imam, ing ra­pat Koordinasi Komite Olimpiade Asia (Korkom) bab iku ora tau direm­bug babarpisan.

“Mesthi wae iki keputusan kang banget-banget kita getuni lan nga­getake kita kabeh, merga ing Korkom wingi ora ana pirembugan bab iku lan malah wis dikunci, apa kuwi nomer even apadene kelas kang ditandhing­ake,” jlentrehe Imam ing sela-sela ra­pat Peningkatan Kapasitas Keproto­kolan lan Kehumasan ing Ubud, Kabu­paten Gianyar, Bali, durung suwe iki (23/2).

Atlet angkat besi Indonesia, ba­cute Menpora, uga wis padha nin­dak­ake test event kanggo ajang Asian Games. “Kok saiki ujug-ujug federasi angkat besi Asia ngowahi iku. Mesthi wae iki ing sanjabane kesepakatan Korkom, pemerintah nulak lan aku wis kirim surat menyang OCA lan federasi Asia angkat besi amrih ora nerusake sikape iku” tandhese Imam.

Manut Mempora, sikap protes pe­merintah iku penting minangka bagi­an saka komitmen kanggo njaga sa­ben keputusan kang ditindakake de­ning Korkom.

“Lan Korkom iku isine saliyane saka OCA uga delegasi saka cabang olahraga kang ana. Kok ana keputu­san sapihak? Mesthi wae kudu kita tolak” tandhese maneh. Keputusan iku, Imam mbacutake, wis mesthi ba­kal ngurangi oleh-olehan medhali kontingen Indonesia.

“Kabeh ngerti yen kita duwe kalo­dhangan ing nomer iki. Wingi ing Olim­piade wae kita oleh perak ing nomer iki. Mesthi wae yen iki dicoret bakal ngurangi target oleh-olehan medhali kita. Lan, aku ora pengin iku dicoret merga wingi ing Korkom ora dibahas,” ujare.

Nanging Imam ngakoni durung ma­ngerteni detail alasan nomer 62 kilogram cabang angkat besi dicoret.

“Alasane kita durung ngerti sing detail, nanging jarene wis dadi kese­pakatan federasi Asia lan anggota fe­de­rasi. Iki sepihak banget. Ing Kor­kom iku ora tau dirembug” mangkono Imam. (d)***

 

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan