Politik Prabeya Murah Nanging Ora Murahan
Diposting oleh : Administrator
Kategori: Pangudarasa - Dibaca: 102 kali

Tahapan Pilkada wis mlebu mangsa kampanye. Suhu politik saya panas. Pertarungan ngrebut suwara rakyat saya ramé. Prabéya sing dibutuhaké uga saya akèh. Politik biaya tinggi saya katon cetha. Saya terang-terangan, tanpa wigah-wigih lan isan-isin. Korupsi uga saya kabukak. Lha wong wragad politik iku saya ndedel sundhul langit. Ing pilkada kepungkur, kandhidhat Gubernur rata-rata ngentèkaké dhuwit 15,7 M. malah ing DKI Jakarta, dana kampanye dila­puraké ± 50 M nganti 60 M. Dana siluman sing diwetokaké para kandhidhat mesthi luwih gedhè manèh. Umumé,dana siluman mau kanggo tuku dhukungan parpol, alias mahar politik.

Biaya siluman sing ora dilapuraké marang KPU iku ora katon wujudé. Lagi katon yèn ana sing wani “bernyanyi” ka­ya déné La Nyala. Kadher partai Gerindra iku kanthi terbuka lan terang-terangan nuding, ana permintaan milliaran rupiah saka Ketum Prabowo Subianto nalika dhèwèké arep nyalon dadi Gubernur Jatim. Terus terang dikandhakaké yèn mahar politik iki sing njalari akèh kepala dhaerah – utamané sing statusé incumbent- terlibat korupsi. Akèh sing kèlu nyalah gunakaké wewenangé minangka kepala dhaerah, kaya ta dol tinuku proyek jroning APBD. Rata-rata kepala dhaerah oleh komisi 10 % saka nilai proyek. Modus korupsi liyané yaiku perizinan usaha, utamané ing sektor pertam­bangan lan perkebunan, mutasi lan promosi pejabat eselon dhaerah sarta pengadaan barang lan jasa. Émané, durung ana ketentuan ing UU Pilkada sing menganulir keikut sertaan kandhidhat sing dibekuk KPK wektu proses pilkada isih berlangsung.

Data kementerian dalam negeri nuduhaké, ing kurun wektu 2004 – 2017 ana luwih saka 300 Gubernur, Bupati lan Wlikota kejiret kasus korupsi, isih ditambah Gubernur Jambi Zumi Zola, Bupati Jombang Nyono Suharli Wihandoko sing dinuga nampa suap saka Plt Kadin Kesehatan Kab. Jombang, cagub NTT Marianus Sae sing uga ditangkep KPK. Cabub sing diusung PDIP lan PKB iki ditangkep merga dinuga nampa suap 4,1 M. Gunggungé anggota DPRD sing korup luwih nggegirisi manèh, yaiku wong 3.000 luwih.

Pemimpin dhaerah sing keblowok ing lendhut korupsi minangka akibat biaya politik sing dhuwur iki akèh banget. Ana biaya politik sing resmi, ana sing siluman sing gunggungé bisa tikel tekuk. Biaya politik sing disiapake liwat APBD ing pilkada serentak 171 dhaerah iki nggayuh 18 T. Isih ana biaya pilkada sing ditanggung calon sing gedhéné gumantung sugih mlaraté calon lan kondhisi dhaerahé. Biaya sing iki klebu katagori resmi awit dilapurake marang KPU.

Généya para pejabat ora padha wedi ngayahi korupsi senajan wis semono akèhé sing dibekuk KPK ? Généya kon­sistené penegak hukum mbrantas korupsi kok ora ngasilaké èfèk jera ? Wis nyata yèn keserakahan wis ngejur lan ngrusak moral lan akal warasé para pejabat. Kekuwasaan sing ku­duné dadi medium pendistribusian kesejahteraan lan kea­dilan wis dibajak kanggo pemuas nafsu kepentingan pribadi lan golongan tanpa wedi ancaman ukuman donya (pakun­jaran) lan neraka (akhirat). Sumpah atas nama Tuhan sing Maha Kuwasa wis didèkèk mburi tanpa diwedèni. Luwih mrihatinaké manèh, merga anané politik biaya tinggi. Wis dudu rahasia yèn pengin dadi kepala dhaerah lan anggota legislatif kudu nyedhiyakaké dhuwit selangit. Politik dilakoni kanthi kanthi prinsip ekonomi lan étungan dagang : Modhal kudu bali liwat jabatané. Mula perlu greget lan kemauan gedhé sarta upaya luwar biyasa saka sakabèhing warga sa­negara  kanggo ngrampungi. Kudu ngutamakaké politik tanpa mahar dadi gerakan politik massa parpol. Parpol sing kuduné nglamar lan ngragadi para calon. Penegak hukum kudu kerja keras lan jujur, ora malah nambahi gedhéné prabéya. Rakyat aja pisan-pisan milih calon sing “ngrampok” dhuwité rakyat, nanging milih calon sing bakal ngabdi marang rakyat. Politik kudu sing biaya murah supaya politik ora banjur dadi barang murahan. (MW)

Berita Terkait

img

Samak Minggu Ini

img

img

Sumber Semangat

Aja gumedhe mung merga ayu-ne rupa, amarga kuwi bakal luntur dening wektu. Nanging elinga, ayune kridha ora bakal luntur senajan digawa mati pisan...

Klik

NGANTUK

Ora kober ndlosor, semendhe ing tembok uga ora apa-apa. Mangkono mbokmenawa ujare si meong iki. (d/sit)***

Pethilan

Trilyunan rupiah dhuwit negara mili menyang desa

Koruptore aja nganti katut keli

Lumantar gerakan #2019Pilpres Ceria, Mahfud MD ngajak publik milih kanthi cerdas

Amarga kecerdasan kita wis saya ilang akibat memusuhan

Golkar ngukuhi caleg mantan koruptor

Ngajab para pemilihe padha pikun!