Tugas Pers: Kontrol Sosial
Diposting oleh : Administrator
Kategori: Layang Saka Warga - Dibaca: 69 kali

Matur nuwun marang panyaruwene Sdl. HR Sumitro Spd saka Grobogan (LSW PS no. 9), sing jare tulisanku pijer nyaruwe pejabat, tokoh, paraga sing ora pro karo pemerintah. Nyemak tulisan mau aku bisane mung maklum. Awit Sdl. HR Sumitro sajake kadhung ketenta karo wiramane pers jaman Orde Baru sing adhem ayem. Maca PS wiwit taun 1973 panjenengane ora mrangguli tulisan sing ngritik pejabat, politisi klawan thokleh kaya saiki iki.

Jaman Orde Baru, lan uga Orde Lama, koran lan majalah pancen yen ngritik pejabat lan pemerintah ngati-ati banget. PS taun 1940-an, liwat rubrik “Sinambi kalange nganggur” kang diembani Seboel, uga wis ngritik tokoh-tokoh jaman semana. Banjur antarane taun 1950-an nganti 1962, Pemimpin Redaksi PS swargi Imam Supardi ngritik panguwasa, politisi lan tokoh liwat rubrik “Djula-Djuli”. Kritikane jan-jane pedhes lan nylekit, nanging sinamun tetembungan sing cucut dadi ora krasa.

Kritikane PS marang politisi, pejabat, pemerintah terus mbacut liwat rubrik “Wawasan jroning negara” kang kapacak ing kaca I (samak). Taun 1960-an, PS nate ngritik pejabat sing mung dadi “pejuang Impala”. Ning tetep alus, amarga jaman semana pers sing galak bisa dibreidel, tegese ditutup kanthi dijabut SIT (Surat Ijin Terbit)-e.

Ning wiwit 1998 sabakdane Orde Baru kukut, kasusul metune UU Pers No. 40 taun 1999, pers dadi bebas mardika amarga dijamin ora ana pembreidelan maneh. Koran lan majalah dadi kendel ngritik politisi, pejabat lan panguwasa (pemerintah). Ing pasal 3 ayat 1 disebutake: Pers nasional mempunyai fungsi sebagai media informasi, pendidikan, hiburan dan kontrol sosial.

Berkahe kebebasan pers mau, minangka kontrol sosial, tulisanku ing PS lan JB pancen ora pegat ngritik pejabat, politisi, panguwasa sing nalisir saka jejibahane. Presiden SBY, Jokowi saiki, klebu uga Megawati, kabeh nate tak kritik. Semono uga politisi bangsane Fadli Zon, Fahri Hamzah, Amien Rais. Pers kuwi cermin masyarakat. Merga saiki akeh politisi lan pejabat sing padha penthalitan, mesthi wae tulisanku banjur nuwuhake panganggep yen pijer nyerang pejabat lan politisi. Dene yen Sdl. HR Sumitro Spd, ora kapadhan karsa lan rengu ing penggalih, lha ya sepurane mawon.

l Gunarso TS - Jakarta

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan