LED Flash Android, kanggo Ngukur Keteg Jantung
Diposting oleh : Administrator
Kategori: Aiti - Dibaca: 139 kali

Artikel iki migunanani banget kanggone sapa wae kang tresna marang kesehatane awak, yakuwi kanthi mangerteni ketege jantung liwat HP.

Satemene fitur Instant Heart Rate monitor iki wis ana ing perangkat smartphone kelas atas kayadene Samsung Galaxy S5. Nanging kanggone sing durung duwe Samsung Galaxy S5 utawa spesifikasi android ing ngisore, tetep bisa migunakake piranti kanggo monitor keteg jantung iki kok.

Supaya HP android kita bisa digunakake minangka alat kanggo monitor keteg jantung, aplikasi kang dibutuhake yakuwi Instant Heart Rate kang bisa didownload ing google play store.

Instant Heart Rate iki dhewe mujudake sawijining aplikasi paling apik kanggo fitness lan kesehatan ing Mobile Premier Awards 2011.

Kanthi migunakake aplikasi iki kita ngukur ketege jantung mung lumantar LED Flash. Teknologi heart rate monitor ing perangkat Android kegolong cukup efektif, merga mung kanthi lampu LED Flash Android bisa mangerteni owah-owahan warna ing ngisor kulit kita kanggo dimonitor jumlah getihe kang liwat. Praktis ta..???

Kanthi software kang pas, LED Flash ing HP kita bisa kita dadekake alat kanggo monitor keteg jantung mau.

Carane migunakake Instant Heart Rate uga cukup gampang. Kita mung cukup nempelake pucuk driji panuding ing kamera telepon lan jroning etungan dhetik ‘Tingkat Hati’ kita bakal ditampilake.

Sawijining grafik real-time bakal nuduhake saben keteg jantung kita.

Migunakake ponsel built-in kamera kanggo nglacak owah-owahan warna ing pucuk driji kang kanthi langsung ana gegandhengane karo  ketege nadi kita. Iki mujudake sawijining teknik kang padha kang digunakake ing oximeters pulsa medis.

Dadi, saiki kita nduweni kesempatan kanggo niteni kebugaran lan kesehatan kita sawayah-wayah mung kanthi migunakake HP Android kita.

Kaluwihane Instant Heart Rate iki dibandhingake karo aplikasi kang liyane yakuwi

1. Duweni ukuran file cilik

2. Ora butuh akses root

3. Ora ‘mlaku’ ing background

4. Aplikasi iki gampang banget digunakake kanthi tampilan kang simple. (d)***

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan