Tomat Jebule Uga Bisa Kanggo Obat
Diposting oleh : Administrator
Kategori: Kasarasan - Dibaca: 213 kali

Tomat (Gyco persium esculentum mill) satemene mujudake sayuran kang digunakake kanggo bumbu masak. Nanging, ing negara asale (Amerika Tropis) tomat ditandur kanggo buah utawa omben-omben (jus) sing nyegerake. Malah pungkasan iki sing jenenge sambel tomat utawa saos tomat wis go internasional. Wiwit restoran, kaki lima nganti hotel bintang lima uga sumadiya.

Tanduran tomat mujudake tetu-wuhan kang sarwa gelem. Ditandur ing pot ya bisa urip seger, ing patega-lan malah ngrembaka, ing pesisir kang ngenthak-enthak nganti pucuk gunung ora nate nulak. Pancen tanduran sing siji iki banget mbutuhake soroting sur-ya kang cemether, wiwit thukul nganti pungkasaning awoh. Yen isih enom wernane ijo semu putih, nanging yen wancine mateng malih dadi kuning semu abang, nyenengake.

Kulite tipis, dene daging wohe kan-del ndhemenake. Wijine akeh banget lan nggrombol ing tengah. Tomat buah sing wujude rada bunder meh kaya woh apel, jare rasane kaya nano-na-no. Ana legine, ana kecute lan nduwe-ni sipat adhem. Sipat iki kang ndadek-ake tomat dianggep buah kanggo tam-ba ngelak sing nduweni sipat antiseptik usus lan nambahi nepsu mangan. Mula akeh ibu-ibu kang kerep maringi wedang tomat marang putra-putrane. Ing pangajap bocahe dadi doyan mangan lan sehat tur gelis gedhe.

 

Pigunane

Miturut ahli gizi, tomat kadidene jinis buah kang sugih kandhutan vitamine. Ana vitamin B1, B2, B6, C, E, likopen dalah niasin. Mineral Ca, Mg, P, K, Na, Fe nganti sulfur lan chlorine. Durung sing jenenge asam folat, asam malat, asam sitrat, protein lemak lan gula (glukosa, fruktosa).

Yen kita mrangguli sok sapa wae kang pinuju dhahar tomat mesthi kudu ngulu idu lan uga ngrangsang metune enzim lambung lan nglancarake aliran empedhu menyang usus. Dadi kanthi ngonsumsi tomat kadidene kita dhahar buah kanthi ajeg, ateges kita wis nyegah pirang-pirang penyakit. Kayata padharan kembung, kurang napsu mangan, radhang gusi, sariawan, hipertensi, lara kuning, bebelen, radhang saluran napas, asma bronkial, lan radhang usus buntu.

Kanggone kanoman (ABG), tomat wis suwe diagem maskeran. Bisa kang-go obat kukul (jerawat) utawa radhang kulit. Mungguh carane, kanthi mblendher woh tomat lan godhonge, jare bisa ngencengake kulit pasuryan lan mundhak dadi alus.

 

Uji klinis

Panaliten ing Amerika nyebutake manawa jus tomat sing diwenehake marang tikus pacoban bisa ngedhunake serum kolesterol kang dhuwur lan ngedhunake cacahe kolesterol ing atine tikus. Dene sirup tomat sing diwenehake marang kucing, bisa ngedhunake tekanan dharahe tanpa ngganggu ketege jantung lan menstimulir otot polos.

Panaliten ing Amerika liyane kasil nemokake manawa tomatine migunani kanggo nahan sumebare jamur ing anggane manungsa. Disebutake, pawongan priya sing ngonsumsi tomat sing wis dimasak paling sethithik 10 porsi pendhak minggune, bakal kalis saka penyakit kanker prostat nganti 45 %. Disebabake anane likopen lan karoten sing dipercaya bisa nyegah tuwuhe tumor lan bisa nyuda resiko ketaman penyakit jantung.

l (FX.Suyatno)

 

Berita Terkait

Samak Minggu Ini

img

img

Sumber Semangat

Urip ing donya iki gawe kesel, merga akeh wong kang pengin mamerake bab-bab kang satemene dheweke ora nduweni.

Klik

BUKA PALING DAWA

Rekor buka pasa paling dawa ing donya, ana ing Hanover, Jerman mentas iki. Dawane nggayuh 10.2 km. Gunggung mejane 10.200 meja, lan sing melu buka ana wong 42.100. Acara iki wis kaca-thet ing Guiness Book Record. Iki nuduhake yen wong kang nggilut agama Islam ing Jerman saya akeh wae. (d/ist)

Pethilan

Janji-janji reformasi diajab enggal dicepetake

Janji kang dilalekake

Jamane reformasi wis 20 taun

KKN durung ilang uga

Bulog mesthekake stok beras aman nganti riyaya

Bab mundhak orane rega aja takon lo ya