Sabunan Samadya, Resik tanpa Lelara
Diposting oleh : Administrator
Kategori: Anyar Katon - Dibaca: 163 kali

Kanggone kabeh uwong, nduweni raga sing saras pancen wigati. Apamaneh ing organ vital, salah sijine yaiku alat kelamin. Mula, wis mesthi kudu dijaga kasarasane. Bisa diwiwiti kanthi ngupaya amrih tansah resik. Lan sing ora kena lali, aja lena manganggo bahan kosmetik kang mbebayani.

Isih kerep keprungu ukara sing ngandhakake yen alat kelamin wanita prayogane dijaga amrih resik, keset (peret), lan wangi. Umume pancen ing pariwara sing nawakake sabun utawa kosmetik. 

Dhokter spesialis kulit lan kelamin, Novita Damayanti, negesake yen sejatine ing perangan alat kelamin para estri ana enzim sing wis samesthine njalari anane lendir. 

Sing perlu digatekake, imbuhe Novita, bab pangrumate organ vital kanggo para estri, wiwit cilik nganti diwasa. “Sing baku, yaiku ngresiki alat kelamin sawise seni, lan penere saka ngarep memburi,” kandhane. 

Dhokter kang praktik ing Profira lan National Hospital Surabaya iku negesake, kanggone bocah wadon, “cawik” sawise pipis iku wajib. “Banjur dilap nganggo andhuk utawa tisu, nganti keset,” ujare. 

Dene kanggo nom-noman, kang wis masa puber, umume wis wiwit nggarap sari (menstruasi). “Kejaba tansah reresik sawise seni, nalika nggarap sari uga kudu nggatekake karesikan,” kandhane. Yaiku, kanthi ngganti tampone saora-orane pindho. “Yen pas lagi deres ya bisa luwih seka pindho,” imbuhe. Umume ana nom-noman kang ajeg nganggo tampon tipis (pantyliner) saben dinane. “Kena wae, yen pancen ora alergi. Lan pilih sing ora nganggo parfum/ora wangi,” kandhane.

Kanggone wanita diwasa, kahanan alat kelamin wis saya mateng. Tegese, wis siyap kanggo ngandhut lan bakale nglairake. “Saperangan ngrasa yen alat kelamine rada bengkak. Ora susah kuwatir, iku bab kang lumrah,” ujare Novita. Olehe njaga karesikan padha karo sadurunge. 

Ngenani akehe pariwara sabun khusus alat kelamin, Novita ora nampik. “Kena wae nganggo, nanging aja kerep-kerep,” kandhane. Amarga cairan kasebut bisa nyuda tingkat keasaman (pH) ing alat kelamin. Kamangka, keasaman (pH) iku dibutuhake kanggo njaga fungsine. Yen banjur ilang, malah bisa njalari iritasi, kang ngrangsang keputihan. Keputihan dhewe, bisa njalari kajangkit jamur, bakteri, utawa virus. “Yen ketaman kaya mangkono, pangrumate malah luwih larang tinimbang regane sabun,” Novita ngelingake.

(prili)

Berita Terkait

img

Samak Minggu Ini

img

img

Sumber Semangat

Aja gumedhe mung merga ayu-ne rupa, amarga kuwi bakal luntur dening wektu. Nanging elinga, ayune kridha ora bakal luntur senajan digawa mati pisan...

Klik

NGANTUK

Ora kober ndlosor, semendhe ing tembok uga ora apa-apa. Mangkono mbokmenawa ujare si meong iki. (d/sit)***

Pethilan

Trilyunan rupiah dhuwit negara mili menyang desa

Koruptore aja nganti katut keli

Lumantar gerakan #2019Pilpres Ceria, Mahfud MD ngajak publik milih kanthi cerdas

Amarga kecerdasan kita wis saya ilang akibat memusuhan

Golkar ngukuhi caleg mantan koruptor

Ngajab para pemilihe padha pikun!