Tragedhi
Diposting oleh : Administrator
Kategori: Surabayan - Dibaca: 186 kali

“Tragedi banjir, longsor. Kacilakan barek liyane isik du­rung mungkur ndhuk Februari niki. Berita ndhuk media gak muk rame perkara tragedhi ae, tapine ngarepna pesta politik niki tambah rame pejabat diborgol barek KPK merga kelakuane sing wis keseret barek napsu milik, kepengin isok ngumpulna dhuwik saakeh-akehe gae mbalekna modhal marine pilihan tah gae modhal pilihan maneh sing biayane encene gak thithik. Kuwatire awak-awak niki nek sing arane tragedhi niku peling saka Gusti Allah SWT gae umat menungsa supaya ojok nerus-nerusna padha laku sing nglanggar tuntunan agama. Indikasi wong akeh sing padha tindak maksiat niku ketok saya akehe kasus narkoba, kasus pencurian, korupsi barek kasus-kasus liyane. Ton­token tah gurung suwe niki kasil dicekel wong sing kate nylundupna sabu-sabu, mbok jumlahe gak baen-baen sampek sak ton. Iku tanda nek sing arane penyelundupan barang haram niku wis gak muk pisan niku tapine wis bolak-balik. Makane sing arane Indonesia saniki wis mlebu ndhuk kejadian luar biasa narkoba. Niku butuh kawigetene kita kabeh dulur,” omonge Ning Sumeh ndhuk bala-balane.

Sing mangsuli Cak Bedja, “Bener ning pendapat peyan, macem-macem indikasi kerusakan moral dulur-dulur kita niku isok diwaca ndhuk media sosial, onok murid mateni guru, onok guru nyabuli muride, korupsi koyoke wis dudu pegaweyan nista, muga-muga akehe tragedhi  niku mau gae nyadharna awak dhewe kabeh supayane bali ndhuk dalan sing lurus.”

“Iya Cak niku bener, nek modhele koyok saniki  kesane kabeh sing kepengin dadi pejabat niku niyate koyoke gak gae makmurna  rakyat  tapine  gae makmurna awake dhewe. Lha sing koyok niku mau nggarahi awak dhewe niki polih apatis pas wayahe onok pilihan. Jaman biyen awak dhewe masiya ndhuk luar kota wani ngetokna ndhuwik gae mulih kampung muk perlu nyoblos. Tapi saniki ya engkuk dhisik, direwangi ngrekasa, ee tibake pilihane ngglethek kuruptor, yok napa nek koyok niku dulur,” sauté Cak Ari.

Pak Lik Dur  nambahi, “Tapine yok apa-yok apa awak dhewe niki ya kudu nemtokna pilihane, makane dulur awak dhewe kudu dadi pemilih sing bebas mardika, ojok gelem didhekte merga dhuwik, dikeki dhuwik ditampani tapine pilihan, takona barek hati nurani ditimbang dililing endi sing apik, ojok kenek pengaruh omongan manis sing muk onok karepe, latar belakang sing kate dipilih niku kudu dieruhi, paling gak sehari-harine wong niku kudu paham. Ojok milih wong gak jelas sifat-sifate.”

(Sing siap nemtokna pilihan: Cak Ari, Cak Bedja, Pak Lik Dur barek Ning Sumeh)

 

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik