Anak Bupati Pemalang Sunat Grudugan Bareng Bocah Yatim 28
Diposting oleh : Administrator
Kategori: Laporan - Dibaca: 245 kali

Anak ka-3 Bupati Pemalang H. Junaedi SH, MM, lan ibu Hajjah Irna Setyawati,SE kanthi jeneng Muhammad Charomain Ramadani, sawetara wektu kapungkur, disunat grudugan (khitanan massal) bareng  bocah yatim cacah 28 jrone syukuran  kondusifitas dhaerah kang aman lan tentren.

 

Garwa Bupati, Irna Setyawati, numpak becak bareng bocah yatim liyane. Mengkono uga Bupati Pemalang  Junaedi numpak becak bareng anak yatim liyane, lan nututi arak-arakan Sunatan grudugan (khitanan missal), klebu bocahe dhewe Ramadani jrone acara sadurunge sunatan masal sing lumaku wiwit jam 08.00 iku.

Rampung diarak bocah-bocah kang disunat grudugan mlebu menyang ruangan mligi kanggo disunat. Sauntara ing Pendopo Kab. Pemalang ngalun musik Islami sing nyemarakake kahanan. Rawuh ing acara kuwi para kepala SKPD, Camat, kepala dinas instansi lan Kapolres Pemalang, Dandim 0711/Pemalang lan Ketua DPRD H.M. Agus Sukoco, SE, MM, Msi,

Jrone kalodhangan iku, Bupati Pemalang ngendika, acara kasebut uga kanggo ngleksanakake kepenginane bocahe sing gelem disunat menawa bareng bocah-bocah liyane. Bisan minangka wujud rasa syukur ngenani kahanan dhaerahe kang kondusif sasuwene iki.

“Awujud rasa syukur iku macem-macem. Wondene kita atur syukur  kahanan sing aman lan tentrem iki kanthi nyunatake  bocah yatim 28 lan bocahku dhewe melu disunat,’’ ujar Bupati Junaedi.

Sawise sunatan massal kasebut banjur diterusake dumdum angpow marang bocah-bocah sing disunat siji mbaka siji saka Bupati Pemalang, disusul Sekda Pemalang Drs. H. Budhi Rahardjo, MM, para Kepala SKPd lan tamu undangan liyane. Cacahe 28 bocah yatim sing disunat bareng putra Bupati Pemalang iku sarta kulawargane katon seneng dalah sumringah jroning acara kang kebak suka parisuka.

(Imam As)

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik