Sawenehing Tim F1 Nyumelangake Kekuwatan Halo Teknologi
Diposting oleh : Administrator
Kategori: Olahraga - Dibaca: 147 kali

Sawenehing Tim Formula One (F1) ngaku keweden migunakake pelindung kokpit (Halo Teknologi) kang dipasang sasuwene balapan musim 2018 iki. Sebabe, Halo bakal nyangga tugas kanthi nahan beban kang abot banget nalika ngalami kacilakan.

Sawenehing tim rumangsa kangelan mesthekake yen mobile aman nalika wis masang Halo. Sebab ing sawenehing tes pelindung kokpit mau kudu bisa nahan bobot kang nyakup beban vertikal gedhene 116kN.

Sadurunge, Direktur Teknis Mercedes, James Allison ngandhakake yen kekuwatan kang kudu ditangani Halo padha karo nyeleh bis tingkat London ing ndhuwur mobil balape. Mula kuwi ketahanane Halo minangka salah siji piranti ‘keselamatan’ disumelangake.

“Iki mujudake tantangan gedhe. Bobote abot banget. Kita ngerti iki bakal dadi tantangan lan kita investasi wektu sarta dhuwit mengarepe kanggo nindakake sakehing pengujian” jlentrehe direktur mesin Mclaren, Matt Morris.

Halo pancen sempat dadi bahan omongan ing jagading olahraga. Sebabe, FIA kanthi ujug-ujug majibake migunakake Halo jroning balapan F1 musim 2018. Keputusan iki sempat ditentang para pembalap merga masalah estetika.

Saliyane iku sawenehing tim cilik uga ngaku kangelan ngrancang mobil balape sing anyar kanthi migunakake Halo mau.

 

Tantangan Gedhe Force India

Tim Sahara Force India uga ngaku nduweni masalah gedhe jroning nggabungake sistem perlindungan kokpit, Halo Teknologi, menyang mobil balape ing musim 2018 iki. Bab iki dikandhakake langsung dening kepala operasi Force India, Otmar Szafnauer.

Halo pancen wis dadi prosedur pengamanan wajib ing kompetisi Formula One (F1) musim 2018 sajege diresmekake sasi Juli 2017 kepungkur. Nanging, Force India kang wis miwiti rancangan lan pengembangan mobil anyare ngaku nduweni tantangan gedhe tumrap Halo.

Iki ora liya merga tim kang basise ing Silverstone iki nduweni sumber daya kang winates dibandhingake karo akehe pesainge liyane. Force India ngaku kangelan nggabungake desain Halo menyang mobile sing anyar, merga peraturan F1 kang dianggep telat.

“Bab paling gedhe sasuwene musim dingin tumrap kita yakuwi nyoba nggabungake Halo menyang desain mobil merga dikenalake telat. Kanggone tim kaya kita iki, bakal rada kangelan ndesain ulang lan ora diwiwiti maneh. Kita nggawe owah-owahan gedhe marang desain kang wis kita adhepi kanthi nglebokake Halo” jlentrehe Szafnauer maneh.

Saliyane iku Szafnauer uga ngaku bobote Halo wis nuwuhake masalah gedhe. Senajan mangkono, Force India wis nglebokake sawijining sistem menyang mobil pas ing wektune lan Szafnauer ngandhakake yen tes kecelakaan wis rampung nalika pisanan takon kanggo maremake tim.

Kaya kang kita mangerteni, F1 musim 2018 iki dijadwalake digelar tanggal 25 Maret 2018 kanthi Grand Prix (GP) Australia minangka balapan pambukane. Iki mesthi wae bakal dadi ajang bukti sawenehing tim kondhang kanggo nuduhake eksistensine ing jagading  olahraga balap. (d/ist)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan