Indonesia Siap Tempur ing Kualifikasi Piala Thomas lan Uber 2018 Zona Asia
Diposting oleh : Administrator
Kategori: Olahraga - Dibaca: 162 kali

Tim bulu tangkis Indonesia wis siap tempur kanggo main ing babak kualifikasi Piala Thomas lan Uber 2018 Zona Asia kang digelar ing Stadion Sultan Abdul Halim, Alor Setar, Malaysia tanggal 6-11 Februari 2018 iki. Bab iki dikandhakake Kepala Bidang Pembinaan lan Prestasi PBSI (Kabid Binpres) PBSI, Susi Susanti.

Susi nganggep kalodhangan Indonesia tampil ing putaran final Piala Thomas lan Uber 2018 cukup gedhe. Nanging senajan mangkono, dheweke ora pengin momongane padha gumedhe. Sebab ing zona Asia dhewe, patang tim kang kasil maju menyang semifinal ing babak kualifikasi iki bakal dipesthekake lolos menyang putaran final ing Thailand tanggal 20-27 Mei 2018 mengko.

Tim kang bakal mesthekake lolos yakuwi tuan rumah Thailand, juara bertahan, Denmark (Thomas) lan China (Uber). Dene saliyane kapapate tim saka Zona Asia, Eropa bakal ngirim wakil papat uga. Sauntara iku Zona Afrika, Pan-Amerika lan Oseania bakal ngutus wakil siji. Dene telung panggonan pungkasan bakal digawe rebutan dening tim sakabehe penjuru dunia kang gagal lolos saka babak kualifikasi zona. Telung tim ksb bakal ditentokake adhedhasar ranking dunia BWF kanggo Piala Thomas lan Uber.

Adhedhasar asil undian grup ing babak kualifikasi Zona Asia, tim Thomas Indonesia bakal gabung ing Grup D bebarengan India, Filipina lan Maladewa. Dene Tim Uber gabung ing Grup abot yakuwi Z bebarengan China lan Sing­gapur. Rong grup paling ndhuwur bakal lolos menyang babak perempatfinal.

Ing dina pertama, Tim Uber Indonesia bakal luwih dhisik miwiti campuh lawan Singgapur. Dene tim Thomas bakal nglakoni perang perdanane lawan Maladewa.

“Kalodhangan tim Indonesia apa kuwi putra utawa putri cukup gedhe, nanging kita bakal tetep fokus lan waspada. Utamane tim Singgapur kang dudu lawan kang gampang, kita bakal nyoba nampilake kang luwih apik,” ujare Susi.

“Kanggo tim putra, kalodhangane luwih gedhe. Sapa wae kang didhukake dakkira duwe kans gedhe kanggo ngatasi tim Maladewa. Nanging tetep kudu serius lan ora oleh nganggep remeh lawan,” tambahe.

“Kabeh pemain kena diarani jroning kondisi siap, kita bakal ndeleng sapa sing paling siap didhukake ing ajang iki,” pamungkase atlet kang tau oleh emas Olimpiade 1998.

 

Tim Putri Indonesia Ngremet Singgapur 5-0

Tim putri Indonesia miwiti langkahe kang cukup apik ing Kejuaraan Bulutangkis Beregu Asia iki. Fitriani sa­kancane, nyapu resik kemenangan atas Singapura.

Ing pertandingan kang digelar ing Stadium Sultan Abdul Halim, Alor Setar, Malaysia, Selasa keoungkur (6/2/2018), tim putri Indonesia kang gabung ing Grup Z nyathet kemenangan 5-0. Fitriani mbukak kaunggulan Indonesia kanthi ngalahake Hui Zhen Grace Chua rong gim langsung kanthi skor 21-16, 21-13.

Sauntara kuwi Anggia Shitta Awanda/Ni Ketut Mahadewi Istarani nyumbang poin kaloro sarampunge menang rong gim langsung saka Nur Isyirah Khan/Zhi Rui Bernice Lim kanthi skor 21-7, 21-17. Kemenangan Indonesia banjur dipesthekake dening Hanna Ramadini kang menang 21-9, 21-5 atas Jia Rong Sito.

Senajan Indonesia wis mesthekake menang, partai kapapat lan kalima tetep digelar. Ing rong pertandhingan terakhir, Della Destiara Haris/Rizki Amelia Pradipta lan Gregoria Mariska Tunjung uga sukses ngalahake lawan-lawane.

Della/Rizki menang atas Ong Ren-Ne/Crystal Wong Jia Ying kanthi skor 21-12, 21-19. Dene Gregoria nyathet kemenangan 21-12, 21-16 atas Nur Insyirah Khan.

Ing partai sabanjure, Kemis (8/2/2018), tim putri Indonesia wis ditunggu lawan kuwat yakuwi China. (d/ist)***

 

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…