Blimbing Duwe Khasiat Warna-warna
Diposting oleh : Administrator
Kategori: Kasarasan - Dibaca: 202 kali

Blimbing ora mung dadi buah “pencuci mulut” sakwise dhahar. Pranyata woh blimbing (Averrho a Carambola) nduweni khasiat warna-warna tumrape kasarasan. Woh kang nduweni kandhutan vitamin A,B lan C kang banget dibutuhake awak. Miturut panaliten ing babagan kimia lan farmalogis, oyot, wit dalasan kembang lan wohe banget migunani mring kasarasan.

Oyot blimbing kang rasane semu kecut bisa ngilangake rasa lara (analgetik) lan anti rematik. Wit lan godhonge kang kecut nduweni khasiat anti radang lan ngedhunake panas. Dene kembang lan woh blimbing mujudake anti radang lan anti malaria.

Kanggone masyarakat padesan wis suwe mangerteni yen woh blimbing (kang mateng lan rasane legi) wis umum digunakake dadi obat watuk, lara gorokan lan tekanan darah tinggi (hipertensi) lan nglancarake kencing batu.

Malah kari-kari iki ana kang percaya manawa woh blimbing sing legi bisa ngusadani radang paru-paru.

Khasiate Blimbing

Kagem kang nandhang lara kencing batu, coba mundhuta 3-5 iji blimbing (gumantung gedhe cilike) sakwise dikumbah resik nuli diparut. Banjur disaring lan diunjuk esuk lan sore sawise dhahar. Bisa disedu karo madu. Balenana nganti 5-6 dina.

Kagem kang nandhang lara gorokan, mundhuta 100-125 gram blimbing kang mateng. Sakwise diparut nuli disaring banjur diunjuk kanthi ditambahi banyu anget. BIsa dibaleni nganti 3 dina.

Kagem kang nduweni darah tinggi, sakwise dhahar esuk (sarapan) lan dhahar sore (bengi) bisa dhahar blimbing kehe 2 iji. Kagem sapa wae (kakung utawa putri) kang rumangsa pipise kurang lancar ora susah khawatir. Mundhuta watara 30 gram godhong  blimbing. Sawise dikumbah resik godhong blimbing nuli digodhog nganti umob. Yen wis adhem nuli disaring kaya ngunjuk teh. Apik maneh yen ngunjuke karo gula batu. Bisa dicoba 3-5 dina.

Gunane Oyot

Kanggo kang gerahliver (hati) mundhuta 15-20 gram oyot blimbing. Sakwise dikumbah resik nuli digodhog nganti umob. Nuli diasaring lan diunjuk gantine teh. Bisa dibaleni nganti 7-10 dina.

Kagem kang nandhang puyeng (ngelu ora mari-mari) utawa sakit kepala kronis. Mundhuta 40-50 gram oyot blimbing kang wis digaringake. Sakwise dikethok-kethok nuli tambahana 120 gram tahu sayur. Tambahna banyu nganti oyot blimbing lan tahune kaclep nuli ditim nganti mateng. Yen uwis sing diunjuk mung banyune bae, kira-kira 1/2 gelas diunjuk sepisan. BIsa dibaleni nganti puyenge ilang.

Kagem kang lagi nandhang radhang paru-paru bisa diusadani kanthi mundhuta blimbing kang mateng cacahe 5-6. Sakwise dikumbah nuli diparut lan disaring dipundhut banyune. Campurana madu watara 2 sendok makan. Nuli diadhuk nganti warata. Bisa diunjuk sedina kaping pindho @ 2sendok makan saben ngunjuk. Diunjuk sakwise dhahr esuk lan sore.

(FX. Suyatno)

 

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik