Grahana Rembulan Super
Diposting oleh : Administrator
Kategori: Surabayan - Dibaca: 270 kali

“Malem tanggal siji Februari 2018 wingi onok grahana rembulan, gae awak dhewe sing gak eruh masalah astronomi sing koyok ngono niku biasa ae, sing arane grahana rembulan kerep methuki, tapine gae ahli astronomi, grahana rembulan niku diarani grahana rembulan super getih biru (Super Blue Blood Moon). Fenomena niki kegolong grahana perigee, yaiku grahana rembulan total kang kalakon saat bulan ndhuk  posisi paling cidhek barek bumi terusan muncul purnama. Fenomena alam koyok ngene niki kelakon ndhuk  152 taun kepungkur, pase 31 Maret 1866. Fenomena alam niki uga klebu langka merga telung  peristiwa kelakon ndhuk wektu sing bareng yaniku super moon, blue moon, barek  blood moon. Aku isok ngomong ngono cumak aku gak eruh sing dikarepna barek istilah niku, beke sampeyan eruh cobak se sampeyan terangna,” kandhane Ning Sumeh ndhuk Cak Bedjo.

“Iya sepurane Ning aku gak sepira paham barek istilah niku, engkuk nek aku nerangna tambah engkuk kliru, beke cak Ari sampeyan eruh, nek gak mumpung sampeyan nggawa laptop isok tekok ndhuk mbah Google, ayo ditontok bareng bareng,” kandhane Cak Bedjo.

Cak Ari sing pas lagek ngadhep laptop terus ae telek informasi ndhuk Google, terusan ngomong ndhuk bala-balane. “Sing diarani super moon niku merga posisi rembulan ndhuk titik paling cidhek barek bumi. Dadi bulan ketok luwih gedhe tinimbang biyasane. Terus sing diarani blue moon niku merga ndhuk wulan Januari niki klakon onok rembulan purnama sampek kaping pindho. Lha sing diarani blood moon niku merga pas grahana total, sunare srengenge sing sampek mbulan ketutup bumi, niki nggarai mbulan gak isok nampa sinar matahari. Merga pengaruh atmosfer, sunare srengenge dipantulna nggarahi ketoke abang koyok getih makane diarani Super Blue Blood Moon.”

Pak Lik Dur melok ngomong, “Ee ngono tah, paham saniki aku, cumak awak dhewe ngelingna barek dulur kabeh, ojok sampek fenomena alam niki dikaitna barek bencana alam, jare para ahli grahana bulan niku mau gak nggarahi bencana alam, paling-paling muk ana banyu segara pasang niku lumrah. Terus sing penting maneh fenomena alam niku mau dadi tandha Maha Agunge Gusti Allah sing wis nata alam saisine niki gae kemakmurane menungsa. Mula ayo disyukuri, pena wingi melok sembahyang grahana tah?”

(Sing muji syukur mring kabeh paringane Gusti Allah: Cak Ari, Cak Bedjo, Pak Lik Dur barek Ning Sumeh).

Berita Terkait

img

Samak Minggu Ini

img

img

Sumber Semangat

Aja gumedhe mung merga ayu-ne rupa, amarga kuwi bakal luntur dening wektu. Nanging elinga, ayune kridha ora bakal luntur senajan digawa mati pisan...

Klik

NGANTUK

Ora kober ndlosor, semendhe ing tembok uga ora apa-apa. Mangkono mbokmenawa ujare si meong iki. (d/sit)***

Pethilan

Trilyunan rupiah dhuwit negara mili menyang desa

Koruptore aja nganti katut keli

Lumantar gerakan #2019Pilpres Ceria, Mahfud MD ngajak publik milih kanthi cerdas

Amarga kecerdasan kita wis saya ilang akibat memusuhan

Golkar ngukuhi caleg mantan koruptor

Ngajab para pemilihe padha pikun!