A l u s
Diposting oleh : Administrator
Kategori: Sing Lucu - Dibaca: 121 kali

A l u s

Gareng  :      “Dikumbah saben dina, tur ora nate disetrika kok tetep alus. Apa hayo?”

Bagong :      “Andhuk.”

Gareng :      “Salah!”

Bagong :      “BH.”

Gareng :      “Ngawur.”

Bagong :      “Lha apa?”

Gareng :      “Lha bokongmu kuwi.” (Kir: Begawan Cipto Adi)

 

Lintang

Gareng  :      “Kowe bisa ora, ngetung lintang?”

Bagong :      “Ya ora bisa, kowe bisa apa?”

Gareng :      “Bisa wae, delengen siji, loro, telu, papat, lima. Wis.”

Bagong :      “Lho kok wis?”

Gareng :      “Sing penting rak bisa ngetung, perkara ora rampung dudu urusanku. Bodho temen, ngetung lintang wae ora bisa, kejaba yen ditakoni pira cacahe.” (Kir: Begawan Cipto Adi)

 

Maskawin

Gareng  :      “Yen wis tekan janjine, kowe arep nyuwun mas-kawin apa karo Mas Gareng, janji aja njaluk mas-masan.”

Cangik :      “Aaapa, ya?”

Gareng :      “Matura sak kersamu, pun kakang sendika dhawuh.”

Cangik :      “Aku njaluk maskawin kertas rong lembar.”

Gareng :      “Kertas? Entheng temen. Kertas apa?”

Cangik :      “Kertas sertifikat sing isine balik nama omah sak pekarangane lan tegal sak sawahe atas nama aku.”

Gareng :      “Matik aku...!!!” (Kir: Begawan Cipto Adi)

 

E d a n

Gareng  :      “Edan tenan, anakmu sing stres kae mbalangi omahku nganggo watu.”

Bagong :      “Kuwi tegese wis mari!”

Gareng :      “Lho kok!”

Bagong :      “Yen isih edan, kudune mbalangi watu nganggo omahmu.”

Gareng  :      “Edan kabeh yen ngono, sak bapakne.

(Kir: Begawan Cipto Adi)

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…