Fitur Google Now ing Android kang Arang dingerteni
Diposting oleh : Administrator
Kategori: Aiti - Dibaca: 99 kali

Google durung suwe iki wis ngumumake anane Google Assistant kanggo sapa wae kang migunakake smartphone Android ing sanjabane Pixel. Nanging sajake durung kabeh wong bisa ngicipi kemampuane asisten virtual iki.

Apamaneh, Google satemene uga wis nanem kemampuan kang ora kalah apik iki ing Google Now. Emane, ora kabeh peng­guna Android ngenal kemampuan saka fitur kang arane Now on Tap ksb.

Banjur apa wae kemampuane Now on Tap kang bisa di­manfaatake pengguna perangkat Android iki? Ing ngisor iki ana patang fitur utama saka fitur ksb kang kita kutip saka laman Make Use Of.

 

1. Nerjemahake ukara

Cara iki cocok banget tumrap kanca-kanca kang wegah masang Google Translate ing smartphone. Lumantar cara iki, kita bisa nerjemahake ukara-ukara (kata-kata) kanthi langsung tanpa perlu mbukak aplikasi ksb.

Kanggo nindakake iki, kita cukup aweh tandha ukara kang pengin diterjemahake. Sawise iku, aktifake Now on Tap ing Google Now kanthi menet tombol Home suwene sawenehing dhetik lan asil terjemahan bakal langsung dimunculake.

Ngelingi ora kabeh teks bisa langsung ditandhani, kaya ing aplikasi chatting utawa media sosial upamane, kita bisa ngaktifake fitur iki kanthi cara kang rada beda.

Cukup mbukak halaman kang pengin diterjemahake, banjur aktifake Now on Tap lan pilih ikon kaya driji panuding. Banjur, pilih ukara kang pengin diterjemahake lan asil terje­mahan uga muncul.

 

2. Akses cepet menyang sakehing aplikasi

Google Now uga nyedhiyakake akses cepet (pintas) me­nyang sawenehing aplikasi utama. Nalikane ana ing laman utama smartphone, kita cukup ngaktif­ake Now on Tap lan ‘jalan pintas’ kanggo nggawe pangeling-eling, nguripake alarm utawa ngak­tifake timer bakal muncul ing layar.

 

3. Njupuk screenshot luwih gampang

Metode kang lumrah digunakake kanggo njupuk screenshot ing perangkat Android yakuwi kanthi menet tombol Home lan volume ngisor bebarengan. Nanging satemene ana cara kang luwih gampang, yaiku kanthi manfaatake fitur ing Google Now.

Kanthi cara iki, kita cukup milih layar kang bakal dijupuk, banjur aktifake Now on Tap. Sa­wise kebukak, pilih tombol Share kang muncul lan kanthi otomatis layar ksb bakal dijupuk gambare.

 

4. Ngenali gambar kang ditampilake

Fungsi liya kang uga arang dimangerteni yakuwi kemam­puan ngenali gambar kang ditampilake ing layar smartphone. Kemampuan iki meh padha karo kang diduweni Bixby, asisten virtual gaweyane Samsung.

Padha karo sadurunge, kita cukup ngaktifake Now on Tap nalika pengin ngenal sawijinig gambar ing layar smartphone. Kemampuan iki bisa dipigunakake ing gambar kang mentas dijupuk utawa kang kesimpen ing galeri.

Piye, praktis ta?? (d/ist)

 

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan