Force India Kuwatir Kekuwatan McLaren lan Renault
Diposting oleh : Administrator
Kategori: Olahraga - Dibaca: 69 kali

Bos Force India, Bob Fernley, yakin yen McLaren lan Renault bakal dadi kekuwatan gedhe kang kudu dipetung jroning kompetisi Formula One (F1) musim 2018 iki. Sebabe, kekarone tim mau wis ngembangake mesine amrih tampil luwih kompetitif ing musim iki.

Merga saka anane tingkat kinerja lan konsentrasi kang luar biasa, tim kang ndu­we­ni basis ing Silverstone ksb wis ngram­pungake kompetisi kanthi asil kang marem­ake sasuwene kompetisi musim 2017 ke­pungkur. Kasuksesan Force India uga dudu mung kedadeyan ing musim 2017 wae, nanging ing musim 2016 tim duweke Vijay Mallya iki uga sukses methik asil kang maremake.

Senajan mangkono, Fernley nandhesake yen tim-e ora oleh marem lan terus waspada marang anane saingan sengit ing F1 musim 2018. Iki ora liya merga kekarone pesainge mau bakal nenikmati anggaran luwih gedhe lan potensi kanggo ningkatake tingkat kinerjane.

“Kawigaten marang Renault lan McLaren katon migu­nani banget. Dadi pesthekna kita fokus ing musim dingin. Renault lan McLaren mujudake ancaman kang signifikan lan perlu dianggep serius,” ujare Fernley, kaya kang diwar­takake F1i.

Force India wis nuduhake kemampuan luar biasa kanggo manfaatake saperangan anggaran cilike ing grid. Kanthi anggaran gedhene 90 yuta pounds utawa Rp 1,6 triliun, Force India sukses ngungguli McLaren kang ngetokake dhuwit gedhene 185 yuta pounds utawa Rp 3,4 triliun lan Renault 150 yuta pounds (Rp 2,7 triliun).

“Iki bakal tansah angel saingan kanthi anggaran kang luwih gedhe. Nanging, ngomongake yen kita wis nindakake suwene rong taun terus-terusan nganti ora ana alasan geneya kita ora bisa nindakake kanggo kang katelune” tandhese.

 

Sergey Sirotkin Kasil Ngrebut Kursi ing F1 2018

Sauntara kuwi, lengkap wis line-up pembalap kang bakal kompetisi ing Formula1 2018. Sergey Sirotkin dadi pembalap pungkasan kang mlebu line-up sarampunge oleh kursi ing tim Williams.

Sirotkin, kang sadurunge mujudake pembalap tes Renault iki sukses ngyakinake Williams lumantar kiprahe ing tes ban Pirelli ing Abu Dhabi sasi Nopember kepungkur. Pembalap Rusia umur 22 taun iki abanjure bakal dadi partner-e Lance Stroll ing Williams ing musim 2018 iki.

Sawise Felipe Massa pensiun, Williams pancen nimang-nimang sawenehing jeneng kanggo gantine Massa. Saliyane Sirotkin, ana uga Robert Kubica, pembalap Polandia kang biyen uga tau mbela Renault.

Mung emane, Kubica kalah cepet saka Sirotkin nalika tes ing Abu Dhabi mau. Senajan mangkono, Kubica tetep oleh panggonan ing Williams yakuwi minangka pembalap cadhangan.

“Filosofi Williams yakuwi tansah mromosekake lan ngem­bangake talenta mudha lan Sergey cocok karo semangat iku. Lance duwe musim balapan kang mecahake rekor, lan kanthi pengalaman suwene setaun, dheweke bakal siap ngebut ing 2018,” ujare deputi prinsipal tim Williams, Claire Williams.

Kanthi dipilihe Sirotkin minangka pembalap Williams, mula line-up pembalap F1 kanggo musim 2018 iki wis pepak. Kaya ing ngisor iki daftar pepake:

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…