SL 04 / 2018
Diposting oleh : Administrator
Kategori: Sing Lucu - Dibaca: 127 kali

S e w u

Gareng :      “Kewan sikile sewu, kuwi kewan apa?”

Bagong :      “Klabang, luluh utawa kaki seribu.”

Gareng :      “Cocog, saiki genti kowe!”

Bagong :      “Kewan sing matane sewu, apa hayo?”

Gareng :      “Apa kuwi?”

Bagong :      “Teri sekilo diwadhahi plastik, matane kilang-kilong. Ya ora?”

Gareng  :      (Mak clili lunga kleser, kaya Ucup bin Sanusi)

(Kir: Begawan Cipto Adi)

 

Woh-wohan

Gareng  :      “Sebutna arane woh-wohan sing dipungkasi nganggo aksara  “K” cacahe punjul saka sepuluh.”

Bagong : “Siji salak, loro gowok, telu jeruk, papat... apa ya?”

Gareng : “Gedhang bosok, pelem bosok, tomat satenggok bosok-bosok. Punjul ta saka sepuluh?”

Bagong : “Sing waras ngalah.” (Kir: Begawan Cipto Adi)

 

Calon Bojo

Gareng :      “Apa ora kleru, kowe kuwi wis kepala lima kok arep rabi prawan bocah umur 17 taun?”

Bagong :      “Kuwi sing bener.”

Gareng :      “Lho kok bisa?”

Bagong :      “Sing kleru kuwi yen ana jaka umur 17 taun rabi randha umur 70 taun.”

Gareng :      “Bener kowe timbang wong gendheng.”

Bagong :      “Ngono wae nesu...!!!” (Kir: Begawan Cipto Adi)

 

A S L I

Gareng :      “Kowe ora kepengin AFI utawa Indonesia Idol ing TV?”

Bagong :      “Ora.”

Gareng :      “Lho kok, swaramu apik lo?”

Bagong :      “Aku arep ngenteni kontes ASLI, sing diselenggarakake dening redaksi Cendrawasih.”

Gareng :      “ASLI apa kuwi?”

Bagong :      “Akademi Sing Lucu Indonesia.”

Gareng            :           Mathuk! (Kir: Begawan Cipto Adi)

Berita Terkait

Samak Minggu Ini

img

img

Sumber Semangat

Wong kang nglarani awakmu, yen dudu luwih kuwat ya luwih ringkih saka awakmu. Tumrape sing luwih ringkih saka awakmu, apu-ranen. Lan kang-gone kang luwih kuwat, apuranen awakmu dhewe.

Klik

PATUNG RASEKSA MAO ZHEDONG

Patung emas raseksa tilas pemimpin Cina, Mao Zedong ing desa Tongxu, Henan, Cina. Patung kang dhuwure 36,6 meter mawa cet emas iki madeg ing sandhuwure pategalane warga, ing desa Tongxu, provinsi Henan, Cina. Ragad kang dientekake kanggo mbangun patung iki kurang luwih Rp 6,3 milyar. Mao Zedong mujudake presiden pisanan negara pandha kang kuwasa suwene 27 taun. (d/ist)***

Pethilan

Rega pangan ngadhepi pasa dijamin

Pengin murah, tuku nang koran ae!

Gaya ngadibusanane Pres. Jokowi mujudake strategi komunikasi

Ana sing nggaya ote-ote uga

Legislator kena OTT KPK maneh. Ketua DPR Bambang Soesatyo nga¬jab iku kang pungkasan

Pungkasan sing korupsi apa pung­kasan sing konangan?