Peterseli Becik Kanggo Cuci Ginjel
Diposting oleh : Administrator
Kategori: Anyar Katon - Dibaca: 65 kali

Ing jagading kuliner jinis sayuran kang asring disebut Peterseli (Petroselinum Crispum) akeh kang nyebut sledri import. Mujudake tetuwuhan kang wis atusan taun ditemokake ing taman-taman biara lan kastil ing Eropa Kidul utawa Mediterania Wetan. Umume Peterseli digunakake godhonge kang lembut (luwih cilik saka sledri lokal) dipigunakake aromane kang nduweni kandhutan Vit. A lan Vit. C sarta kandhutan Vitamin lan mineral kang dhuwur.

Ing laladan kang hawane adhem kaya dhaerah Bogor, Lembang, Bandungan, Tawang Mangu lan Malang. Paterseli wis wiwit dibudidayakake kanggo ngisi pasar sayuran kang jarene akeh peminate. Sakliyane dadi pasren (hiasan) ing sakndhuwure menu (hidangan) uga aromane sing khas nuwuhake selera dhahar.

Tiongkok wis atusan taun kepungkur migunakake herba iki kanggo obat tradhisional kanggo nanggulangi tekanan dharah tinggi, nyeri haid, enuresis (ngompolan), batu ginjal, batu empedu, pembengkakan kelenjar lan kanggo nyegerake napas.

 

Cuci Ginjel

Ana literatur kang nyebutake, wis mataun-taun ginjel paringane Gusti ngayahi tugas tanpa kenal wayah, nyaring getih lan mbuwang uyah, racun sing ora kita karepake mlebu ing awak. Wis mesthi bae nuwuhake akumulasi uyah saingga mbutuhake perawatan karesikan, kepriye carane nyuci ginjal ngagem peterseli?

Mundhuta sakunting peterseli kang bisa dipundhut ing pasar tradhisional utawa supermarket. Dikumbah nganti resik nuli dirajang cilik-cilik. Banyu adhem 6 gelas digodhog nganti umob, nuli rajangan peterseli dilebokake banyu umob watara 10 menit. Yen wis adhem disaring lan diwadhahi botol kaca nuli disimpen ing lemari es. Bisa diunjuk pendhak esuk sakwise dhahar watara 1 gelas. Yen wis ngunjuk ramuan kasebut bisa dipirsani yen panjenengan pipis. Panjenengan bisa pirsa uyah lan maneka warna racun metu bareng pipis panjenengan. Panjenengan bisa cek kanthi pemeriksaan urin rutin sadurunge lan sakwise ngunjuk ramuan peterseli kasebut.

 

Akeh Manfaate

Peterseli pancen nduweni komponen-komponen kang asifat ngresiki racun ing awak, kaya klorofil. Dadi tanduran iki uga mbantu mrantasi kembung, gangguan lambung lan usus uga bisa ngurangi rasa nyeri kanggone sing nandhang rematik.

Kandhutan Vit. C kang dhuwur, asam amino kalium lan asam folat ing herba iki apik lan mupangati kanggo jantung, pencernaan, tekanan darah lan nanggulangi nyeri. Herba iki uga ngandhut anti histamin lan antioksidan kang ambiyantu ngatasi peradhangan.

Ning ya kudu emut, peterseli ora becik yen dikonsumsi nganti kakehan sebab herba iki nduweni kandhutan minyak kang asifat toksik lan bisa nyebabake keracunan. Dadi kanggo ibu kang ngandhut lan lagi nyusoni ora dianjurake. Sebab bisa njalari kontraksi rahim.

Sing perlu kawuningan yen masak peterseli aja suwe-suwe, supaya kandhutan vitamine ora ilang muspra. Prayoga nyampurake peterseli yen masakane wis mateng. Muga-muga tulisan iki migunani tumrap para sutresna PS. Nuwun. (*)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan