PCC
Diposting oleh : Administrator
Kategori: Surabayan - Dibaca: 139 kali

“Awak awak kudu gak gedheg-gedheg yok apa, masiya pemerintah wis tegas mbrantas sing arane obat-obatan terlarang tapine ndhuk tengah masyarakat isih akeh sing kendel wani gae obat-obatan niku barek ngedharna pisan obat-obatan sing wayahe kudu nggae resep dhokter. Bayangna ndhuk pinggiran Sidoarjo, ndhuk desa Wonoayu entas ae BNN barek Polisi isok nggrebeg gudhang gae nyimpen barang terlarang niku sing siap diedharna ndhuk saindenging nusantara. Jumlahe gak baen-baen sampek 5 yuta pil koplo. Mbok, tapine ya niku sing duwe barang niku gurung kecekel, sing kecekel muk buruhe. Terus ndhuk Tangerang ya onok kabar omah sing digae pabrik obat-obatan niku kasil digrebeg terus sing gae wong loro kecekel. Aku setuju kok nek sing arane Bandar artine sing gae barek sing ngedharna niku diukum sing abot nek perlu diukum mati, supayane sing liyane gak wani usaha obat terlarang niku,” kandhane Ning Sumeh ndhuk bala-balane ndhuk warunge.

Cak Bedjo sing nyauti, “Niku ndhuk Purworejo ya sing arane kepala rutan dicekel mergane mbekingi bandar sing dikukum ndhuk kono gae bisnis narkoba. Lha sing koyok ngono niku sing nggarahi sing arane edare pil setan niku dadi mudal gak karuan mergane aparat sing kudune nyegah melok melok mulusna sing arane edare pil laknat niku.”

“Sing arane paracetamol caffeine carisoprodol (PCC), Somadril, barek DMP (dextromethorphan) sing disita ndhuk Sidoarjo niku encene pil koplo sing etungane regane murah, dadi akeh sing isok tuku, cilakane akeh remaja sing saniki doyanane ngepil, lha niku gae ngurangi edare pil niku kudu onok pencegahan,” cak Ari nyauti.

Pak Lik Dur aweh rembug, “Prasaku sing penting gae nyegah tambah nyebare pil setan niku kudu digiatna maneh ngaji ndhuk kampung-kampung. Terus pemerintah ya kudu jemput bola, arek-arek sing seneng kluyuran ndhuk embong tah kumpul-kumpul ndhuk geng, ya kudu digiring diwenehi wawasan agama ojok muk diobraki tapi dijarna ngono ae, sing jelas ndhuk kota niku wis akeh kampung sing gak onok nggone gae ngaji, akhire arek-areke ya urip gedhe sakarepe dhewe, gak terarah lha niku sing gampang klebon obat setan.”

(Sing prihatin saya bantere playune obat setan ndhuk masyarakat: Cak Ari, Cak Bedja, Pak Lik Dur barek Ning Sumeh).

Berita Terkait

Samak Minggu Ini

img

img

Sumber Semangat

Urip ing donya iki gawe kesel, merga akeh wong kang pengin mamerake bab-bab kang satemene dheweke ora nduweni.

Klik

BUKA PALING DAWA

Rekor buka pasa paling dawa ing donya, ana ing Hanover, Jerman mentas iki. Dawane nggayuh 10.2 km. Gunggung mejane 10.200 meja, lan sing melu buka ana wong 42.100. Acara iki wis kaca-thet ing Guiness Book Record. Iki nuduhake yen wong kang nggilut agama Islam ing Jerman saya akeh wae. (d/ist)

Pethilan

Janji-janji reformasi diajab enggal dicepetake

Janji kang dilalekake

Jamane reformasi wis 20 taun

KKN durung ilang uga

Bulog mesthekake stok beras aman nganti riyaya

Bab mundhak orane rega aja takon lo ya