Lungguh kang Ewuh (4)
Diposting oleh : Administrator
Kategori: Cerita Sambung - Dibaca: 336 kali

Kanthi dandanan kang prasaja, clana jeans, kaos putih kombinasi biru tuwa lan pupuran manda-manda, Martini sore kuwi siyap budhal ngamen bareng Sayunah. Meruhi dandanane Martini, Sayunah uga ngimbangi dandan sing ora nguciwani, kanthi pamrih dimen katon yen pancen sapaguyuban. Senadyan umur wis ngan­cik sirah papat, bareng dandan ngemper Martini kok ya isih katon ayu. Ora kalah adoh karo Martini sing umure udakara telungpuluh loro taun.

Ing pucuke dalan Malioboro sisih kidul, persise ana ngarep Gedhung Agung, we­ngi kuwi ana sesawangan anyar. Wong wadon loro ayu-ayu kanthi piranti gitar akustik loro mbarang amen kanthi cara dhuet saut-sautan. Penampilane wanita loro kuwi cukup nyedhot kawigatene wong-wong sing pating sliri ing Malioboro wayah wengi. Ora sethithik sing ngober­ake mandheg saperlu nonton, ngematake lagune wanita loro iku banjur nyemplungi dhuwit saeklase ing kerdhus sing dice­pakake.

Krasa anyar mungguhing Sayunah we­ngi iku ngamen bareng Martini. Sing wis lumrah dilakoni dening Sayunah, dhe­weke mlaku saurute Malioboro lan meng­gok ing warung kang disedya dingameni. Wengi iki saka iguhe Martini, anggone nga­men digawe magrok ana papan sing kawawas setrategis lan bisa katonton sa­ka maneka arah. Sayunah duwe sawa­ngan panggonan sing dikarepake Martini, yaiku ana trotoar sisih kulon, cedhak lampu bang-jo, ngarep Gedhung Agung lan Senisana.

Sanadyan lagu-lagune kalebu lawas, nyatane akeh banget kang merlokake mandheg kanggo nonton kiprah lan ka­prigelane wanita loro kuwi. Lanang, wa­don, nom, setengah tuwa, padha kadudut kawigatene. Ora sethithik sing nglodhang­ake wektu kanggo njaluk lagu kanthi aweh dhuwit saweran lan ngematake lagu sing dijaluk. Entuk kawigatene sing kaya ngono njalari Sayunah lan Martini rumangsa bom­bong. Tumrap Martini, iki pengalaman sepisanan sajroning uripe.

Kothak kerdhus kang dicawisake kanggo wa­dhah dhuwit wengi kuwi cukup maremake isine. Martini apadene Sayunah wis ora nggagas dhuwit kuwi saka wong sing ngajeni kabisane apa saka wong sing welas ndulu kahanane. Sing baku iku dhuwit  khalal.  Mungguh­ing Martini wigati dibe­dakake endi dhuwit khalal lan endi sing karam, awit selawase urip ya lagi we­ngi kuwi dheweke…………

Berita Terkait

Samak Minggu Ini

img

img

Sumber Semangat

Akeh wong kang nindakake bab kang padha ing nalikane kowe ora. Kuwi ora ateges kowe salah.

Klik

GROJOGAN PEDHUT-

Yen grojogan umume sing mili yakuwi banyu, nanging grojogan ing Islandia iki sing mili pedhut. Pedhut ksb mbentuk pola kaya banyu kang nggrojog saka gunung menyang segara. Pranyata uga ana suwarane banyu gembrojog ing segara mau, saengga kaya banyu kang nggrojok temenan ing laut. (d/ist)***

Pethilan

Nangkis hoaks, publik perlu ndhi-sikake rasionalitas

Benci nganti tekan unyeng-unyeng kuwi mutawatiri

DPR ora kesusu ngrembug RUU HP

Ora kaya RUU MD3 ya?

Partai Demokrat njaluk syarat kanggo nyengkuyung Jokowi

Ora ana mangan awan gratis pancen…