Diet Iku Oleh Wae, Nanging Akibat Alane Mirisake
Diposting oleh : Administrator
Kategori: Kasarasan - Dibaca: 81 kali

Mangan tetep wigati. Diet uga oleh wae. Nanging, sauger carane sing genah lan aman kanggone kesehatan. Aja nganti gawe program diet sembara­ngan, jalaran akibate bisa mbebayani banget mungguhing badan.

Salah sijine yaiku diet kanthi sengaja gawe ngelihe badan. Babar blas ora ma­ngan merga kepengin lencir. Sengaja ora mangan apa-apa ing wektu kang suwe jalaran kepengin kuru. Yen bab iki ditin­dakake klawan sembrono, akibate bisa ala banget.

Kamangka nyukupi kabutuhan gizi lan nutrisi badan iku wigati banget. Malah klawan dhahar sing cukup, kita bisa njaga bobote badan tetep stabil.

Sebabe kerep kedaden, merga se­ngaja ora dhahar, we­­teng dadi ngelih banget, akhire dhahar sepisan langsung bingung, wekasane ka­­lori sing mlebu badan dadi turah-turah. Ora malah lencir, nanging malah lemu.

Sengaja ora mangan lan gawe ba­dan ngelih mung kanggo diet, kita bakal namani resiko ngalami gangguwan ka­sarasan iki:

Resiko kena diabetes

Dicuplik saka boldsky.com, sengaja gawe badan ngelih ing wektu kang suwe banget bisa gawe sel-sel badan man­dheg anggone nanggapi insulin, hormon sing gunane kanggo mecah gula.

Bab iki ndadekake liver ora nampa tandha-tan­dha kanggo mandheg mro­duksi glukosa lan tansah ngompa me­nyang njero getih. Glukosa kang linuwih sing numpuk ing njero getih iki meng­kone bisa nyebabake diabetes tipe 2.

 

Gampang nesunan

Nalika badan ora cukup antuk asupan nutrisi jalaran ora ana asupan panganan ing wektu kang suwe banget, kestabilane emosi bakal katut keganggu. Kadar gula getih njero badan uga ora stabil, emosi lan mood dadi melu ana masalah.

 

Metabolisme badan keganggu

Sengaja gawe ngelihe badan kanthi wektu kang suwe banget, bantere meta­bolisme badan bakal mudhun. Apa aki­bate? Akibate badan kangelan kanggo ngobong kalori lan malah numpuk lemak. Genahe, badan ora malah dadi kuru, bo­bote badan malah tambah mundhak.

 

Stres

Nalika gawe badan ngelih, badan ba­kal nyukupi kebutuhan energi klawan mroduksi adrenalin lan hormon-hormon liyane.

Yen diumbar nganti suwe, badan kita bakal nandhang stres lan bisa nda­dekake muncule sakehing penyakit ka­yadene penyakit jantung, tekanan darah tinggi, diabetes, lan jibeg (depresi).

 

Ambune tutuk ora enak

Tutuk garing merga produksi idu sing suda bisa nyebabake bakteri enggal tu­mangkar dadi akeh. Bab iki banjur bisa nye­babake ambune tutuk ora enak.

 

Mumet lan gampang kesel

Kadar gula mudhun merga sengaja gawe badan ngelih. Bab iki uga bisa nda­dekake pembuluh arteri ciyut lan nda­dekake tekanan darah tinggi.

Akibate, kita dadi gampang krasa mumet, gam­pang kesel, lan muneg-muneg. Malah bisa nyebabake semaput utawa ilang kesadharan.

Tekanan darah uga bisa ora stabil yen kita sengaja gawe ngelihe badan ing wektu suwe klawan alesan diet. Yen pan­cen kepengin diet, kita kudu nindakake program lan tatacara sing genah. Kese­hatan kita tetep kang paling utama su­paya tansah dijaga. (Ist/b)

Berita Terkait

Samak Minggu Ini

img

img

Sumber Semangat

Aja nganggep awakmu tansah salah, uga aja nganggep awakmu tansah bener.

Klik

KAYA JELI

Iki dudu plastik utawa ager-ager jeli, nanging iki bangsane iwak. Jelase iki Plankton kang wujude bening. Jeneng latine yakuwi Salp (Salpingo-oophorectomy) mujudake kewan kang nduweni kaunikan kanthi kulit transparan. Saking transparane, akeh wong ngira yen plankton iki plastik bening kang ngambang ing laut. (d/ist)***

Pethilan

Saperangan gedhe kabutuhan bawang putih diimpor

Petani wis biasa nangis bawang Bombay kok!

Sertifikasi tanah kuwi program nyata, dhawuhe Presiden

Dadi sing apus-apus sapa iki?

Wakil rakyat saya adoh saka rakyat

Saya adoh, menyang segara wae!