Beras Larang
Diposting oleh : Administrator
Kategori: Surabayan - Dibaca: 227 kali

“Beras sing dadi kebutuhan pokok awak dhewe niki regane keri-keri niki terus mundhak, dibandhing wingi-wingi mundhake saniki isok sampek 2000 repis sekilone. Ngadhepi perkara niki pemerintah siap-siap kapene impor. Niki gae njaga regane beras supayane gak mundhak terus. Pas saniki daya beli masyarakat rodok kurang, ketambahan beras larang mbok apane gak senen kemis temen. Awak dhewe muk wong situk gak bingung sedina gak sampek ngentekna beras seprapat kilo dadine masiya  mundhak  rong ewu repis sekilo ya gak krasa, tapine gae masyarakat umum sing batihe lebih saka papat ya krasa, gurung kebutuhan sing liyane. Nek sing arane bayar pas-pasan ya mendelik temen. Awak dhewe niki kadhang mikir, negarane awak dhewe niki lak Negara agraris tapi sing arane pangan termasuk larang,” kandhane Ning Sumeh ndhuk bala-balane

“Iya bener awak pena dulur, saniki sing arane pangan niku nek prasaku encene larang, lho niki nek dibandhingna barek kebutuhan pokok liyane. Nek prasaku saniki kebutuhan sing abot gae rakyat niku siji pangan loro papan,” sauté Cak Bedjo.

“Bener dulur nek dibandhingna barek sandhang, pangan niku saniki termaksuk larang. Bayangna gae tuku sandhang dhuwik telung puluh ewu wis isok ditukokna clana tah ditukokna klambi, kaos. Pa­dhahal nek ditukokna gae pangan dhuwik semono gae andhok ndhuk warung paling muk ping pindho, niku sing endhek-endheken, tapi nek gae ndhuk kelas restoran mbok paling muk oleh ngombene. Koyok contone ndhuk pizza tah dhuk restoran ayam goreng dhuwik sak mono ya kurang. Paling gak satus ewu. Lha dhuwik satus ewu nek ditukokna pakaian wis oleh sing mewah,” Cak Ari nambahi.

“Pancene dulur, apaa sing arane pangan barek papan kok tambah abot gae rakyat, mergane sing arane lahan gae prodhuksi pangan niku tambah dina tambah ciut barek sing arane asil pangan niku tambah dina ya tambah thithik terusan sing butuh mangan tambah akeh. Gak beda barek papan, Sing arane papan niku tambah dina ya tambah sempit merga akeh sing mbutuhna. Niku wajar. Lha niki sing dadi tantangan awak dhewe supayane sing arane pangan niku tetep cukup sumadya barek sing gae papan niku ya cukup. Nah niku sing saniki kudu dipikrna. Mesthi onok dalane gae ngatasi,” pak Lik Dur melok omong.

(Sing melok kenek akibate larang pangan: Cak Ari, Cak Bedja, Pak Lik Dur barek Ning Sumeh)

Berita Terkait

img

Samak Minggu Ini

img

img

Sumber Semangat

Urip iki cekak banget yen mung trima diisi karo rasa gela lan benci.

Klik

TRADHISI KAUL LAN ABDA’U ING MALUKU TENGAH

Iki sawijining tradhisi mbeleh wedhus ngarepake Idul Qurban. Ditindakake kaping pindho, yakuwi sing umum sawise shalat idul adha, lan ana maneh sing khusus. Sing khusus kanthi mbeleh wedhus 3. Sadurunge dibeleh, tetelune wedhus iki digendhong jarit dening tetuwane adat lan diarak keliling sinambi sholawatan nuju pelataran masjid Negeri Tulehu sawise Ashar. Tujuane ritual iki kanggo tolak balak lan nyenyuwun panga-yomane Gusti Allah kanggo masyarakat Tulehu. (d/ist)

Pethilan

Polri wiwit ngrasakake anane konflik pemilu

Digulung wae pak

Pasangan capres-cawapres setuju pemilu dhame

Pendhukunge sing dikon gontok-gon­tokan

Capres-cawapres nyiapake tim sukses

Sukarelawan, nanging ana pamrih