Pasar Tujungan Mrihatinake
Diposting oleh : Administrator
Kategori: Yak Opo Kabare - Dibaca: 291 kali

Rencana ndadani bali (revitalisasi) Pasar Tujungan wis diprogramake wiwit sawatara taun kepungkur, nanging nyatane nganti tumekaning saiki isih tetep durung kaleksanan. Apa sebabe? Feasibility study (FS-e) isih durung genah.

Pembangunan Pasar Tun­jungan sing diajap bisa maujud taun iki sajak du­rung bisa kla­kon. Kahanan iku kawiyak saka dengar pendapat komisi B DPRD Surabaya sing ngundang wakil saka Perusahaan Daerah (PD) Pasar, pedagang, lan Pem­kot Surabaya nalika dina Selasa (9/1) kepungkur.

Rapat sing kaleksanan su­wene karo tengah jam kasebut durung nemokake pasarujukan; kapan revitalisasi Pasar Tunju­ngan iki bisa diwujudake.

Direktur Teknis dan Usaha Pasar Surya Zandi Ferryansa Hadi ngandhakake, revitalisasi Pasar Tunjungan ora bisa eng­gal dileksanakake. Sing dadi se­babe, saiki PD Pasar Surya durung antuk katemtuan saka pemkot gegayutan asil feasibility study (FS) bab rencana revitalisasi. “Wis dak pasrahake. Lan saiki aku kari ngenteni,” kandhane Ferry.

Ora genahe kahanan ka­sebut ndadekake PD Pasar Surya ora bisa timindak apa-apa. Sebab, yen ora ana katemtuan FS, nglengkara PD Pasar ngo­mongake bab rencana kerja anggaran perusahaan (RKAP).

Sanajan nyebutake revita­lisasi durung bisa enggal ditin­dakake, Ferry mesthekake pe­hake tetep duwe tanggung ja­wab kanggo mbecikake fasilitas ing Pasar Tunjungan. Upamane bab parkir lan bocore payon sing kerep disambatake para pedagang. “Isih ana anggaran udakara Rp 500 yuta,” jlen­trehe Ferry.

Sawatara iku, Kepala Bagian Perekonomian Pemkot Sura­baya Khalid ngandhakake, saiki pemkot gawe rancangan mba­ngun Jalan Tunjungan. Klebu ing njerone Pasar Tunjungan.

Rancangan iku nerangake bab produk apa wae sing bisa didol kanggo dadi ‘ikon’-ne Surabaya. Upamane, Pasar Tun­jungan dikhususake minangka pusat oleh-oleh Surabaya.

Rencanane Jalan Tunju­ngan didadekake panggonan pariwisata sing bisa bukak 24 jam. Jalaran tetimbangan kase­but, pemkot ngajap proyek Pasar Tunjungan aja nganti gagal. “Saiki pemkot isih golek pehak sing ahli nggarap iki,” jlentrehe. (Bsh)

Berita Terkait

img

Samak Minggu Ini

img

img

Sumber Semangat

Yen kowe ma­ngerteni anane watu cilik ing da­lan kang kira-kira ngganggu wong liya, mula singkir­na… Sapa ngerti iku dadi sebab di­gangsarake da­lan­­mu nuju su­warga.

Klik

JEBAKAN PIKIRAN

Atusan wedhus kanthi tertib metu saka kandhange (ranch) ngliwati regol gerbang, mangka ing kandhange mau ora ana pager kang matesi lakune. Ujare ngakeh, iki sing diarani ‘jebakan pikiran’. (d/ist)***

Pethilan

Jokowi karo keluarga ing kebun raya Bogor

Rukun agawe santosa crah agawe bu­brah.

Dibutuhake panggung interaksi kang toleran

Panggung kampanye malah ana in­toleran.

Korupsi mbegal karaharjane rakyat

Metu pakunjaran wae koruptor isih raharja.