SL 02 / 2018
Diposting oleh : Administrator
Kategori: Sing Lucu - Dibaca: 144 kali

Sopir Juragan

Juragan        :        “Pir, aku ki gumun.”

Sopir :        “Gumun dos pundi juragan?”

Juragan        :        “Aku ki rak wis vasektomi, tegese wis ora bakal duwe anak. Lha kok bojoku meteng. Aneh ta?”

Sopir :        “Nggih mboten aneh.”

Juragan        :        “Lha kok?”

Sopir :        “Lha kula rak dereng divasektomi.”

Juragan :      ???!!!! (Kir: Begawan Cipto Adi)



Calon Bojo

Gareng  :      “Cangik, ala-ala senajan ora duwe apa-apa tur pengangguran, nanging ijazahku Sarjana Hukum, lho!”

Cangik :      “Emoh yen ala-ala. Sing dak senengi senajan lulusan SD ora papa. Waton bagus aja ala-ala. Syukur sugih, gemati tur wis nyambut gawe.”

Gareng  :      (Mak clili lunga kleser, kaya Ucup bin Sanusi)

(Kir: Begawan Cipto Adi)

 

Maling

Gareng  :      “Upama kowe dadi maling, sing kok wedeni polisi, tentara, apa hansip.”

Bagong :      “Hansip.”

Gareng :      “Lho kok?”

Bagong :      “Sebab yen nembak sikil bisa kena sirah.”

Gareng            :           ???!!! (Kir: Begawan Cipto Adi)

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…