Geneya Google Inbox Luwih Apik katimbang Gmail? (candhake minggu kepungkur)
Diposting oleh : Administrator
Kategori: Aiti - Dibaca: 213 kali

6.       Nentokake pengelompokan kang tampil ing Inbox

Merga ora kabeh pengelompokan email iku penting, kita bisa ngatur yen perlu ndeleng wae sawayah-wayah. Upamane saben jam 7 esuk utawa seminggu pisan ing dina senin jam 7 sore. Kanthi ngatur pengelompokan iki kita uga luwih gampang nyortir sakabehane sekaligus.

 

7.       Nyimpen Link menyang Google Inbox

Ora mung saderma ngelola email, kita uga bisa nggunakake Google Inbox minangka pangeling-eling, apa kuwi acara-acara lan tugas-tugas kita. Malah, kita uga bisa nyimpen link langsung menyang Google Inbox. Carane gampang, upamane mbukak panjebarsemangat.co.id ing browser Chrome. Banjur pilih tombol opsi alias titik telu ing ndhuwur tengen lan pilih share menyang Google Inbox.

 

8.       Respon Cepet Berkat Smart Reply

Fitur Smart Reply iki bakal bisa maca isi email kang mlebu lan menehi telung rekomendasi balesan, bisa ndadekake kita kanthi cepet mbales email, tanpa kudu ngetokake waktu kanggo nulis jawaban singkat lumantar pikiran kita dhewe.

Minangka conto, nalika pengguna oleh pitakonan bab sawijining barang utawa berkas, Smart Reply bakal nuduhake telung kemungkinan balasan kaya “Saya akan mengirimnya kepada Anda”, “Saya harus mencarinya”, lan “Maaf, saya tidak memilikinya”.

 

9.       Nyambung karo Hangouts

Ing Google Inbox versi web, Inbox nyambung langsung karo Hangouts tanpa perlu masang ekstensi maneh. Kanggo bisa migunakake Hangouts ing Google Inbox, cukup pilih ikon Hangouts ing tengen ndhuwur, mula kabeh obrolan dinane iki lan uga kontake bakal muncul ing cendhela pop-up.

 

10. Alat Penelusuran kang Powerful

Google mujudake raja pencarian, lan tujune kita bisa manfaatake pencarian kang pas ing Google Inbox. Kanggo migunakake fungsi pencarian gawan saka Google Inbox, cukup pilih ikon pencarian lan ketik langsung menyang njero kothak pencarian. Google Inbox sabanjure bakal mindai email kita. Fitur pencarian Google mujudake alat kang migunani banget, kanggo golek email tinamtu.

 

Piye saiki miturutmu kanca-kanca, Gmail vs Inbox apa Inbox vs Gmail, luwih apik sing endi? Goo-gle Inbox pancen nawakake cara ngatur email kang beda, mula butuh penyesuaian kanggo maksimalake fitur-fitur kang ana. Nanging, piye yen wis biasa lan nyaman karo Gmail? Ya, kabeh keputusan ing tanganmu, arep nyoba kecanggihan Google Inbox apa marem karo aplikasi Gmail wae? (d/ist)***

 

Berita Terkait

img

Samak Minggu Ini

img

img

Sumber Semangat

Urip iki cekak banget yen mung trima diisi karo rasa gela lan benci.

Klik

TRADHISI KAUL LAN ABDA’U ING MALUKU TENGAH

Iki sawijining tradhisi mbeleh wedhus ngarepake Idul Qurban. Ditindakake kaping pindho, yakuwi sing umum sawise shalat idul adha, lan ana maneh sing khusus. Sing khusus kanthi mbeleh wedhus 3. Sadurunge dibeleh, tetelune wedhus iki digendhong jarit dening tetuwane adat lan diarak keliling sinambi sholawatan nuju pelataran masjid Negeri Tulehu sawise Ashar. Tujuane ritual iki kanggo tolak balak lan nyenyuwun panga-yomane Gusti Allah kanggo masyarakat Tulehu. (d/ist)

Pethilan

Polri wiwit ngrasakake anane konflik pemilu

Digulung wae pak

Pasangan capres-cawapres setuju pemilu dhame

Pendhukunge sing dikon gontok-gon­tokan

Capres-cawapres nyiapake tim sukses

Sukarelawan, nanging ana pamrih