Underpass Bunderan Satelit Juni Kudu wis Dadi
Diposting oleh : Administrator
Kategori: Yak Opo Kabare - Dibaca: 277 kali

Lakune kendharaan ing bunderan Satelit bisa lancar yen underpass ing wewengkon kono rampung dibangun. Kemacetan sing dawa ula saka sakehing arah bakal bisa diunggar. Gampange akses uga bakal nyengkuyung pengembangan wilayah Surabaya sisih kulon kasebut.

Proyek iki ditargetake rampung taun iki. Dhudhukan trowongan wis dibangun separo. Malah, overpass minangka infrastruktur kanggo mindhah liwate kendharaan ya wis rampung. Emane, ana sawatara rintangan sing ndadekake proyek kasebut ora enggal dadi.

Proyek pengaji Rp 74,8 miliyar iku danane murni saka para pengembang ing Surabaya. Malah, pemkot babar blas ora ngetokake dhuwit. Dhuwit sing disumbangake iku bakal dietung minangka prasarana, sarana, lan utilitas (PSU). Nanging, dhuwit asil urunan iku durung cukup kanggo nerusake proyek iki.

Manajer proyek PT Pembangunan Perumahan (PP) Saleh Hendro ngandhakake, kemajuwan proyek wis nggayuh 50 persen. Angka iku ora uwah wiwit November kepungkur. “Kanggo pekerjaan sanjabane bunderan, isih ngenteni siyape dana,” terang priya asal Jawa Tengah iki.

Pekerjaan sing dikarepake yaiku ngeruk dalan. Sisih kulon lan wetane bunderan kasebut rencanane ditutup merga arep didhudhuk. Kendharaan bakal diarahake liwat overpass sing rampung dibangun.

Klawan kahanan dhuwit sing mung sethithik, kontraktor ora wani nerusake garapane. Engga saiki dana sing wis ngumpul Rp 23 miliyar. Sawatara iku, pekerjaan sing digarap wis ngentekake dhuwit Rp 32 miliyar.

Para pekerja mung bisa nggarap pekerjaan sampingan kayadene nata lan ngrampungake capping beam (CB) kanggo mikuwati cagak-cagak pondhasi sing wis dipasang.

Yen ora ana alangan, pembangunan underpass Satelit kira-kira rampung suk Juni 2018. Realeastat Indonesia (REI) percaya bakal rampung pas ing wektune, sauger cicilan bisa dicukupi.

Ketua REI Jatim Danny Wahid nerangake, ragad saka pengembang durung ngumpul 100 persen. Proyek sing wiwitane ditargetake rampung Pebruari 2018 sajake bakal mundur. “Pengembang isih nyicil, sawatara proyek kudu rampung tengahe taun 2018,” jlentrehe Danny.

Danny nambahake, satemene komonikasi karo Pemkot Surabaya ora angel. Patemonan karo pemkot wis dianakake nganti kaping telu sasuwene dheweke dadi pimpinan REI Jatim. “Pangajape, pemkot bisa enggal gawe gathering pengembang REI ing Sura-baya Barat,” tandhese Danny.

Liwat gathering kasebut, para pengembang bisa diyakinake kanggo ngram-pungake wragad. Mangkono uga, pemkot bisa nggam-pangake idin-idine para pengembang iki.

Adhedhasar pengawasan pungkasan, pembangunan underpass isih terus dikerjakake. Danny percaya pembangunan underpass iki bisa rampung pas ing wektune. “Yen REI lan pemkot padha duwe kekuwatan, bismillah rampung,” ujare. (Bsh)

Berita Terkait

img

Samak Minggu Ini

img

img

Sumber Semangat

Yen kowe ma­ngerteni anane watu cilik ing da­lan kang kira-kira ngganggu wong liya, mula singkir­na… Sapa ngerti iku dadi sebab di­gangsarake da­lan­­mu nuju su­warga.

Klik

JEBAKAN PIKIRAN

Atusan wedhus kanthi tertib metu saka kandhange (ranch) ngliwati regol gerbang, mangka ing kandhange mau ora ana pager kang matesi lakune. Ujare ngakeh, iki sing diarani ‘jebakan pikiran’. (d/ist)***

Pethilan

Jokowi karo keluarga ing kebun raya Bogor

Rukun agawe santosa crah agawe bu­brah.

Dibutuhake panggung interaksi kang toleran

Panggung kampanye malah ana in­toleran.

Korupsi mbegal karaharjane rakyat

Metu pakunjaran wae koruptor isih raharja.