SL 01 / 2018
Diposting oleh : Administrator
Kategori: Sing Lucu - Dibaca: 118 kali

Jeneng -1-

Gareng  :      “Ben dadi wong pangkat anakku arep dak jenengi nganggo tembung Agung. Apike agung sapa ya?”

Bagong :      “Agung Kukila.”

Gareng :      “Apik ya?”

Bagong :      “Apik, tur sak desa ora ana sing padha. Anake sapa ta? Anake Cip, kok.”

Gareng :      “Terus tegese apa?”

Bagong :      “Agung Kukila kuwi tegese gedhe manuke.”

Gareng  :      “Mbahmu.” (Kir: Begawan Cipto Adi)


Jeneng -2-

Gareng  :      “Anak kang lahir dina Jumuwah, dijenengi sapa apike?”

Bagong :      “Juwahir, Jumuwah lahir.”

Gareng :      “Cocog. Yen lahir nanging cangkeme amba?”   

Bagong :      “Dijenengi Mujahir.”

Gareng :      “Apik, gedhe sithik langsung goreng.”

Bagong :      “Ngono wae nesu!!.” (Kir: Begawan Cipto Adi)

 

Jeneng -3-

Gareng  :      “Alhamdulillah, anggone bojoku babaran diparingi marga gampang.”

Bagong :      “Terus, anakmu arep dijenengi sapa?”

Gareng  :      “Daldiri.”

Bagong :      “Tegese apa?”

Gareng : “Medal sendiri.” (Kir: Begawan Cipto Adi)

Berita Terkait

img

Samak Minggu Ini

img

img

Sumber Semangat

Aja gumedhe mung merga ayu-ne rupa, amarga kuwi bakal luntur dening wektu. Nanging elinga, ayune kridha ora bakal luntur senajan digawa mati pisan...

Klik

NGANTUK

Ora kober ndlosor, semendhe ing tembok uga ora apa-apa. Mangkono mbokmenawa ujare si meong iki. (d/sit)***

Pethilan

Trilyunan rupiah dhuwit negara mili menyang desa

Koruptore aja nganti katut keli

Lumantar gerakan #2019Pilpres Ceria, Mahfud MD ngajak publik milih kanthi cerdas

Amarga kecerdasan kita wis saya ilang akibat memusuhan

Golkar ngukuhi caleg mantan koruptor

Ngajab para pemilihe padha pikun!