Nalika 4 Sehat 5 Sempurna Wis Ora Nyukupi
Diposting oleh : Administrator
Kategori: Kasarasan - Dibaca: 445 kali

Gizi seimbang tegese apa sing dipangan kudu seimbang slaras karo kabutuhan. Istilahe 4 sehat 5 sempurna, yaiku panganan kudu ngan­dhut gizi sing dibutuhake badan, pepak ana karbohidrat, lemak, protein, mineral, lan vitamin.

Mangkono antara liya sing dikandhak­ake dening Novianto, mahasisa S2 Ilmu Kesehatan Fakultas Kesehatan Masyara­kat Universitas Airlangga Surabaya nalika nganakake penyuluhan urip sehat ma­rang murid-murid kelas IV lan V SD Mu­hammadiyah 4 (Mudipat) Pucang, Su­rabaya, ing mengeti Hari Kesehatan Na­si­onal, dhek sawatara wektu kepungkur.

Novianto nambahake, kabeh panga­nan sumber karbohidrat lan protein ngan­dhut lemak, nanging luwih becik ngendhani lemak saka gorengan lan panganan ‘cepat saji’.

“Yen kepengin sehat, wegah mlebu rumah sakit, kita kudu  mangan sayuran lan buah sing akeh,” piwelinge Novianto.

“Kejaba sayuran lan woh-wohan, kita uga kudu mangan panganan sing ngan­dhut protein yaiku iwak, daging, endhog, kacang-kacangan, lan susu,” jlentrehe.

Saben panganan sa-porsi (sapiring), tambahe Novianto, becike dumadi saka takeran gizi seimbang. Carane? Sauku­ran epek-epek tangan nalika diwujudake kaya mangkok, sayuran sakepel, woh-wohan sakepel, lemak sajempolan, lan protein saepek-epek tangan.

“Badan kudu diwenehi lebon panga­nan kang akeh gizine, supaya kalis saka penyakit, mula saka iku kita kudu matesi memangan gula, uyah, lan panganan sing akeh lengane,” tandhese.

“Yen kepengin sehat, ora kepengin ngalami gangguwan gizi, kita kudu njaga lebon gizi, sarapan sing akeh gizine sa­durunge budhal sekolah utawa budhal kerja. Bab iki kudu ajeg ditindakake aja nganti lali. Jalaran sarapan iku bisa nda­dekake konsentrasine pikiran, luwih se­mangat, badan luwih sehat lan kuwat,” jlentrehe.

Wektu umur isih bocah mujudake ta­taran wigati mungguhing perkembangan badan lan utege bocah, mula panganan sing dipangan kudu digatekake.

Novianto uga menehi “tip” marang anak-anak sing nduweni pakulinan nja­jan, yaiku njajan kudu ing panggonan sing resik, ngedohi panganan gorengan lan ngedohi panganan sing wernane nyolok, yen tuku panganan kemasan ga­tekake label-e.

Ing ngisor iki Novianto menehi “tip” 10 gizi seimbang:

1. Nyukuri lan nikmati maneka werna jinis pa­nga­nan, 2.Cukup mangan sa­yur lan woh-wohan, 3.Me­mangan lelawuhan sing pro­teine dhuwur, 4. Mema­ngan ma­neka warna pa­nganan pokok, 5. Matesi pa­nganan legi, asin, lan akeh lemak-e, 6.Kulinak­ake sa­rapan sadurunge nin­dak­ake kegiyatan, 7.Ngi­num banyu putih sing akeh, 8.Kulinak­ake maca label kemasan panganan, 9.Kulinakake wijik ngang­go sabun sadu­runge mangan, lan 10.Olah­­ra­­ga sing teratur. (B)

 

Berita Terkait

img

Samak Minggu Ini

img

img

Sumber Semangat

Urip iki cekak banget yen mung trima diisi karo rasa gela lan benci.

Klik

TRADHISI KAUL LAN ABDA’U ING MALUKU TENGAH

Iki sawijining tradhisi mbeleh wedhus ngarepake Idul Qurban. Ditindakake kaping pindho, yakuwi sing umum sawise shalat idul adha, lan ana maneh sing khusus. Sing khusus kanthi mbeleh wedhus 3. Sadurunge dibeleh, tetelune wedhus iki digendhong jarit dening tetuwane adat lan diarak keliling sinambi sholawatan nuju pelataran masjid Negeri Tulehu sawise Ashar. Tujuane ritual iki kanggo tolak balak lan nyenyuwun panga-yomane Gusti Allah kanggo masyarakat Tulehu. (d/ist)

Pethilan

Polri wiwit ngrasakake anane konflik pemilu

Digulung wae pak

Pasangan capres-cawapres setuju pemilu dhame

Pendhukunge sing dikon gontok-gon­tokan

Capres-cawapres nyiapake tim sukses

Sukarelawan, nanging ana pamrih