Ngintip Bayare Pembalap F1
Diposting oleh : Administrator
Kategori: Olahraga - Dibaca: 157 kali

Wis dudu rahasia maneh yen para atlet balap kang ambyur ing luar negeri nduweni bayaran kang ngedab-edabi. Kepara yen pembalap sing ora kondhang wae, kaya Pascal Wehrlein upamane, tetep oleh bayaran gedhe yen dietung saben taune.

Oleh-olehane Pascal ing taun 2017 kepungkur nggayuh US$ 150.000 utawa kira-kira Rp 2 miliar. Angka iku durung sepiroa lo. Bayaran paling dhuwur ing balapan jet darat yaiku dicekel dening Fernando Alonso. Taun 2017 bayare Alonso nggayuh US$ 40 yuta utawa padha karo Rp 543 miliaran.

Dene yen pembalap tim Mercedes Lewis Hamilton uga nduweni bayaran kang cukup fantastis. Ing sanjabane bonus wae, bayare Hamilton nggayuh US$ 31 yuta kang padha karo Rp 420 miliaran.

Beda tipis karo Lewis Hamilton pembalap Ferrari Sebastian Vettel oleh US$ 30 yuta sadurunge ditambah bonus.

Dene kanggone kang isih pemula lan ora nduweni pengalaman akeh padha dibayar ing sangisore US$ 1 yuta.

 

Mercedes Nawani Rp2,2 Triliun

Sauntara kuwi mangsa tembene Lewis Hamilton ing Mercedes lan balapan Formula 1, sajake wiwit nu­wuhake tanda tanya. Ana sas-sus yen Hamilton wiwit bosen karo olahraga balapan lan pengin banting setir menyang bisnis fashion.

Kubu Mercedes ngrumangsani klawan potensine Hamilton pensiun sawayah-wayah iki. Lan, sajake Mer­cedes isih durung siap ngeculake Hamilton.

Mula kontrak anyar enggal dita­wakake marang Hamilton. Ora tanggung-tanggung, ajine kontrake Hamilton mau dikabarake nggayuh angka £120 yuta, utawa kira-kira Rp 2,2 triliun! Wow….

Team Principal Mercedes, Toto Wolff ngandhakake, negosiasi gegandhengan ngolor kontrak karo Hamilton wis digelar. Wolff ngandhak­ake, pembalap asal Inggris iku nuduhake respons positif, gegandhengan karo anane kontrak anyar kang ditawakake.

“Dheweke mapan jroning jiwa kang bebas. Hamilton pengin ngukuhi kabeh kemungkinan, tetep ing balapan, utawa dadi pengusaha fashion” ujare Wolff kaya ditulis Crash.

Mercedes gawe kontrak anyar marang Hamilton suwene telung taun. Tegese, Hamilton bisa tetep ing Mercedes nganti taun 2021 mengko.

“Kita isih negosiasi gegandhengan kontrak jangka panjang. Pangajabe, Lewis bisa tetep karo kita jroning wektu kang suwe” panutupe Wolff.

(d/ist)

 

Berita Terkait

img

Samak Minggu Ini

img

img

Sumber Semangat

Aja gumedhe mung merga ayu-ne rupa, amarga kuwi bakal luntur dening wektu. Nanging elinga, ayune kridha ora bakal luntur senajan digawa mati pisan...

Klik

NGANTUK

Ora kober ndlosor, semendhe ing tembok uga ora apa-apa. Mangkono mbokmenawa ujare si meong iki. (d/sit)***

Pethilan

Trilyunan rupiah dhuwit negara mili menyang desa

Koruptore aja nganti katut keli

Lumantar gerakan #2019Pilpres Ceria, Mahfud MD ngajak publik milih kanthi cerdas

Amarga kecerdasan kita wis saya ilang akibat memusuhan

Golkar ngukuhi caleg mantan koruptor

Ngajab para pemilihe padha pikun!