Mlaku-Mlaku Nang Tunjungan
Diposting oleh : Administrator
Kategori: Yak Opo Kabare - Dibaca: 86 kali

Puluhan ewu pengunjung ngebaki sauruting Jalan Tunju­ngan, papan dianakake gelar ku­liner sing diparabi “Mlaku-Mlaku Nang Tunjungan”, Selasa (19/12).

Ing dalan iki, stan-stan UKM gaweyane Pahlawan Ekonomi nye­pakake maneka warna pro­duk kuliner, wiwit saka panganan ringan engga panganan abot, handicraft nganti produk kon­veksi, padha di dhasar ing dalan pusat kota Surabaya kasebut.

UKM-UKM sing adol produk unggulan iki nujudake warga Surabaya sing wis melu mangsa pendhampingan lan pelatihan usaha, pendhampingan re-packaging lan re-branding.

“Kebeneran bocah-bocah lagi prei sekolah, dadi pas banget, bisa mlaku-mlaku sinambi ku­lineran ing Jalan Tunjungan,” kandhane Fadilah.

Dheweke teka menyang Jalan Tunjungan bareng karo anak bojone sengaja kepengin ngrasakake salah sijine produk UKM, Omah Duren. Telung botol jus duren legit gaweyane warga Kenjeran ditebas.

“Yen dideleng ing kene pro­duke sajak aneh-aneh. Utamane kemasane gawe ati kadreng tumindak (penasaran). Saka ba­bagan rasa ya lumayan enak, kayak gaweyane pabrik gedhe kae,” ujare Fadilah.

Humas Pahlawan Ekonomi, Agus Wahyudhi ngandhakake, sing bukak stan ing acara “Mlaku-Mlaku Nang Tunjungan” cacahe ana 250 UKM.

“Dheweke iki ana sing uku­rane wis dudu mikro maneh, nanging wis makro merga do­dolane wis nganti tekan njaban pulo lan malah wis ana sing tekan manca negara,” jlentrehe Yudhi.

Syarate supaya bisa melu acara kasebut, sing wis melu road show lan duwe Facebook fanpage.

“Dheweke kabeh uga ma­srahake lapuran keuangan su­paya bisa weruh gunggunge bebathen (omset) usahane ber­kembang apa ora,” ujare.

 

Ora usum

Wali Kota Surabaya Tri Rismaharini ing kalodhangan iki nyengkuyung banget marang warga Surabaya sing gelem ngembangake usaha ing baba­gan kuliner, home industri, lan babagan kreatif.

Warga Surabaya sing ke­pengin maju klawan usaha sing diduweni, bisa melu nggabung ing program Pahlawan Ekonomi.

“Bab dodolan, kabeh uwong bisa. Gawe produk kabeh uga bisa. Nanging embuh piye ra­sane, payu apa ora iku isih durung tamtu,” pratelane Risma, sabubare mbukak acara mesisan aweh semangat marang para pelaku UKM.

Bab iku sing dadi dhasare Pemkot Surabaya gawe gagasan program Pahlawan Ekonomi, sing nyepakake sakehing pela­tihan kanggo ningkatake rasa, kualitas lan regane produk.

Risma gawe conto, wong dodolan rujak. Rujak ing kam­pung saporsi didol Rp 10 ewu. Nanging, Pahlawan Ekonomi adol rujak UKM kanthi rega Rp 25 ewu. “Kesele padha, nanging re­gane beda. Jalaran rasane luwih enak, luwih resik, lan luwih sehat. Iki sing disebut ‘naik kelas’,” ujare Risma.

Ing kalodhangan iki Risma klakon nggepok senggol bocah-bocah kanoman sing padha teka gawe regenge ‘Mlaku-Mlaku Nang Tunjungan’. “Bocah-bocah kanoman, kandhane, kudu bisa dadi penggerak,” kandhane.

Manut Risma, bocah-bocah Surabaya wis ora jamane mung sangga wang lan ora tumindak apa-apa kanggo nuduhake kar­yane. “Ora usum. Bocah-bocah kanoman Surabaya lumuh nyam­butgawe iku ora usum,” tan­dhese Risma.

Acara ‘Mlaku-Mlaku Nang Tujungan’ wingi kuwi mesisan kanggo menehi penghargaan marang Pahlawan Ekonomi lan Pejuang Muda terbaik 2017 saka sawernane kelompok. Wiwit industri kreatif, industri omahan, lan bisnis kuliner. (Bsh)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan