Titis Wisnu Mantu (2)
Diposting oleh : Administrator
Kategori: Padhalangan - Dibaca: 635 kali

Sapungkure Raden Turu­nan, Prabu Sri Maha Pung­gung dhawuh marang Patih Jakapuring ambubarake pasewakan.

“Kakang Patih Jakapuring, bubarna kang padha marak seba. Samengko dha­wuhna marang para wadya bala su­paya tata siyaga ngreksa katentre­maning Negara Purwacarita. Ingsun nedya kondur angedhaton.”

“Inggih mboten langkung dhateng sendika, kapareng madal pasilan tata siyaganing kaprajuritan, kawula nuwun.”

“Bapa Resi Raddhi, kang­­ge katentremaning nagari, kula aturi ndherek nenuwun wonten ngersa­ning jawata.”

“Inggih, mangestokaken dha­wuh, Sinuwun.”

Sebet byar katalika wau, purna dha­wuhing Prabu Sri Maha Punggung pin­dha sabda pandhita ratu. Sabdaning pandhita pangandikaning ratu datan ana bedane, ngandika sepisan dadi, datan kena wola-wali. Pindha we kresna dhu­mawah ing patra seta, sayekti datan kena lumeber. Semana sang nata tedhak saka dhampar denta arsa kondur ange­dhaton, den ayap para biyada. Tinon saka mandrawa pindha penganten bi­nayang-bayang.

Kundure sang nata kadherekake para biyada cethi, manggung ketang­gung jaka palara-lara kang endah war­nane, edi busanane, rompyoh-rompyoh sesinome sami ngampil upacara kepra­boning pasewakan. Kandheg lampahe sang nata ing sangarepe gapura. Datan kacarita upa rengganing gapura, gan­canging carita Prabu Sri Maha Punggung wus manjing kedhaton pinapag garwa prameswari Dewi Manis saha Dewi Dar­manastuti. Kekalihipun dipunjarwani wigatining pasewakan. Sawuse cetha, nuli kembul bojana andrawina beba­rengan.

Rampung dhahar sang nata manjing panti busana. Lukar busana kanarendran ngagem busana kapandhitan, sigra ming­­gah sanggar palanggatan. Prabu Sri Maha Punggung  sedhakep saluku tung­gal, nutupi babahan hawa sanga man­deng puncaking grana, mawas mahya manjinging huswa. Pancadriya kaesthi, sekawan kang binengkas, sajuga kang sinidikara. Kinarya nut laksitaning brata, pranyata Sri Narendra panjanmaning Wisnu sembada pralebdeng patrap pa­ngo­lah lenging subrata.

Sinigeg kang ana sanggar pamujan. Ganti kang kinocap, kang ana paseban njaba Rekyana Patih Jakapuring angawe marang………….

Berita Terkait

img

Samak Minggu Ini

img

img

Sumber Semangat

Urip iki cekak banget yen mung trima diisi karo rasa gela lan benci.

Klik

TRADHISI KAUL LAN ABDA’U ING MALUKU TENGAH

Iki sawijining tradhisi mbeleh wedhus ngarepake Idul Qurban. Ditindakake kaping pindho, yakuwi sing umum sawise shalat idul adha, lan ana maneh sing khusus. Sing khusus kanthi mbeleh wedhus 3. Sadurunge dibeleh, tetelune wedhus iki digendhong jarit dening tetuwane adat lan diarak keliling sinambi sholawatan nuju pelataran masjid Negeri Tulehu sawise Ashar. Tujuane ritual iki kanggo tolak balak lan nyenyuwun panga-yomane Gusti Allah kanggo masyarakat Tulehu. (d/ist)

Pethilan

Polri wiwit ngrasakake anane konflik pemilu

Digulung wae pak

Pasangan capres-cawapres setuju pemilu dhame

Pendhukunge sing dikon gontok-gon­tokan

Capres-cawapres nyiapake tim sukses

Sukarelawan, nanging ana pamrih