Desa Abad Anyar (33)
Diposting oleh : Administrator
Kategori: Cerita Sambung - Dibaca: 213 kali

Slamet mbiwarakake maneh, “Kadang kula ingkang kapatah nampi, keparenga enggal paring pangan-dikan.”

Sing maju Marta.

“Nuwun para kadang rombongan besan ingkang minulya, kula makili Bapak Jaya­mul­ya sakulawarga nampi salam taklimi­pun Bapak Karta Hadi sakulawarga, saha nampi penganten kekalih kanthi suka bi­ngahing manah. Salajengipun Bapak Karta Hadi sakulawarga keparenga pinarak leng­gah ing papan ingkang sampun kasediya­kaken. Nuwun.”

Rombongan besan padha mlebu, ngan­ten kakung putri dilungguhake ing kursi ukir diapit sisih kiwa Sekarwangi lan Da­marjati. Sisih tengen Ratih lan Sukesi, Pak Jayamulya sekaliyan lan Pak Karta Hadi sekaliyan. Wiratma saanak bojone lung­guh ing mburine nganten. Dene warga rom­bongan liyane lungguh amor para ta­mu uleman ing larikan kursi ngarep iring kidul.

Suguhan wiwit diladekake. Bebare­ngan karo iku suguhan kesenian campur sari di­wi­witi. Slamet ngumumake, “Para tamu ingkang minulya, menika Paguyuban Seni Campursari Tresna Laras badhe ngatur­aken panglipur kagem para tamu sadaya. Kawiwitan lagu pambuka: Basmalah.”

Musik campursari wiwit muni, njupuk laras pelog pathet 5 kasusul lagu kur dening penyanyi wadon telu lanang loro:

Amiwiti anyebut Asmaning Gusti

Ingkang Maha Asih

Bismillahirrahmanirrahim

Awit saking Amaning Allah

Kawula amiwiti

Mugi Gusti nyembadani

Lagu pambuka iku ditembangake ka­ping telu. Sasuwuke lagu iku kasusul lagu-lagu liyane dening penyanyi cacah lima.

Bareng oleh limang lagu, wong-wong sing ana kono dikagetake dening tekane Jumari, ditutake tilas kadhere loro, Sukir lan Agus. Pardi sakancane wiwit siyaga.

 Pardi omong klesik-klesik karo kanca­ne, “Dheweke mung nga­jak kanca loro, nanging bisa uga kanca-kancane akeh, padha ngepung pa­pan iki. Mula padha sume­bara, sawanci-wanci ana apa-apa enggal aweh te­ngara.”

“Siyap,” saure kanca­ne karo mangkat.

Sawise salaman karo among tamu, Jumari lan kancane langsung mlebu, nemoni Slamet sing nga­tur acara. Banjur nyalami penganten sakloron lan para kulawargane. Sa­un­ta­ra Slamet ngumum­ake, “Para sedherek, pa­segahan lagu-lagu kula sigeg sawetawis karana badhe wonten pangandi­kan saking Bapak Jumari dhateng para sedherek sadaya.”

Jumari munggah pang­gung karo………….

Berita Terkait

img

Samak Minggu Ini

img

img

Sumber Semangat

Urip iki cekak banget yen mung trima diisi karo rasa gela lan benci.

Klik

TRADHISI KAUL LAN ABDA’U ING MALUKU TENGAH

Iki sawijining tradhisi mbeleh wedhus ngarepake Idul Qurban. Ditindakake kaping pindho, yakuwi sing umum sawise shalat idul adha, lan ana maneh sing khusus. Sing khusus kanthi mbeleh wedhus 3. Sadurunge dibeleh, tetelune wedhus iki digendhong jarit dening tetuwane adat lan diarak keliling sinambi sholawatan nuju pelataran masjid Negeri Tulehu sawise Ashar. Tujuane ritual iki kanggo tolak balak lan nyenyuwun panga-yomane Gusti Allah kanggo masyarakat Tulehu. (d/ist)

Pethilan

Polri wiwit ngrasakake anane konflik pemilu

Digulung wae pak

Pasangan capres-cawapres setuju pemilu dhame

Pendhukunge sing dikon gontok-gon­tokan

Capres-cawapres nyiapake tim sukses

Sukarelawan, nanging ana pamrih