24 - 30 Desember 2017
Diposting oleh : Administrator
Kategori: Primbon & Palintangan - Dibaca: 36 kali

CAPRICORN ( 21 Des - 19 Jan ):

Minggu iki akeh uwong sing kaya bunglon, sedyane arep tumbak cucukan. Ora susah digape, konsentrasi wae marang jejibahane. Rejeki lancar lan butuhe bisa dicukupi. Ngaso yen rumangsa lungrah. Asmara: sing pinter ngepek atine kanthi tetembungan alus.

AQUARIUS ( 20 Jan - 18 Feb ):

Isih ana reridhu, nanging aja cilik atine. Sing mantep, pasemoning liyan ora susah digape. Rejeki mbanyu mili, sakehing butuh bisa dicukupi. Aja kakehan ngombe inuman utawa jamu kanggo nambah energi, tinimbang numpuk lelara tembe mburine. Asmara: ana sing nggodha.

PISCES  ( 19 Feb - 20 Mar ):

Asile ora maremake, durung kaya sing diarep-arep. Nanging aja cilik atine lan kudu tetep sengkud makarya. Sing waspada lan ngati-ati amarga ana sing meri. Aja gampang percaya omongane liyan. Jaga kasarasan, aja kakehan melekan. Asmara: romantis lan nyenengake.

ARIES ( 21 Mar - 20 Apr ):

Aja rangu-rangu jumangkah maju, sanadyan katon akeh pepalang lan reridhu. Ana sing aweh pitulungan pigunakake kanthi wi­caksana. Yen tangan sikil krasa linu, pijet urut wae amrih rada entheng. Asmara: rada renggang, wayahe introspeksi.

TAURUS ( 21 Apr - 20 Mei ):

Emosine dikendhaleni, lan bisa miwiti maneh. Tindakna kanthi serius, aja kaya kang uwis-uwis. Pengalaman pait aja dibaleni maneh. Konsentrasi, wayahe kerja ya kerja. Aja lali sembahyang. Asmara: prayogane sesambungan direnggani tumindak becik, aja mung padudon wae.

GEMINI ( 21 Mei - 20 Juni ):

Sing pinter ngulati kahanan pasar. Waspada, ana kang urik lan nggolek lirwaning panjenengan. Sing kukuh marang pamikiran lan rancangane dhewe. Asmara: yen arep miwiti sesambungan aja gampang ngumbar tresna marang uwong sing lagi ditepungi.

CANCER (21 Juni - 20 Juli):

Kalodhangan tinarbuka nanging kudu tliti. Ana pratandha kang kurang nguntungake. Yen ora teges lan dhisiplin, bisa dadi sasaran disepelekake wong-wong sakupeng panjenengan. Aja kesengsem marang pangalembana. Asmara: akeh sing njalari padudon, ngalah wae.

LEO (21 Juli - 21 Agust):

Kalodhangan sing ora dinyana nuwuhake bebathen. Swasana nyenengake, isih bisa ngupaya amrih tansaya mundhak. Ran­cangane diterusake. Kudu ana celengan kanggo tembe mburine. Asmara: aja nggresula wae, tetembungane sing alus lan becik.

VIRGO ( 22 Agust - 22 Sept ):

Minggu iki akeh sing nawani lan sing pesen. Prayogane dipetung dhisik, aja serakah. Pilih sing cocok lan nuwuhake bebathen, siji utawa loro. Asma panjenengan wis wiwit kawentar, kudu njaga profesionalisme. Garapan rampung pas klawan pesenane.

LIBRA ( 23 Sept - 23 Okt ):

Endhanana pasulayan ing bab pakaryan. Ana sing nyengkuyung, nanging kudu tetep tliti. Kasarasane badan dijaga. Yen lirwa, kesel lan ngaya, bisa ketaman lara kang ora baen-baen. Asmara: dalane pating gronjal, menggak-menggok. Sing sabar wae anggone nglakoni.

SCORPIO ( 24 Okt - 22 Nop ):

Urip kaya cakra manggilingan, lan iki wayahe gumulir mengisor. Mula lumrah yen tansah njalari ketar-ketir. Tetep sabar, aja cilik atine. Luwih prayoga milih dalan sing ora njalari uwong liya lara ati. Butuhe tansaya akeh. Asmara: yen ana perkara dirembung sing temen.

SAGITARIUS ( 23 Nop - 20 Des ):

Asile ora kaya sing diarep-arep. Kudu tetep sabar lan ngupaya kan-thi temen. Tetep ing posisi panjenengan. Tindakna kang dadi jejiba-han, ora perlu kapilut wong liya. Aja melu-melu kanca kang ora tanggung jawab. Asmara: padudon cilik iku lumrah, sing baku tetep romantis.

Berita Terkait

Samak Minggu Ini

img

img

Sumber Semangat

Aja nganggep awakmu tansah salah, uga aja nganggep awakmu tansah bener.

Klik

KAYA JELI

Iki dudu plastik utawa ager-ager jeli, nanging iki bangsane iwak. Jelase iki Plankton kang wujude bening. Jeneng latine yakuwi Salp (Salpingo-oophorectomy) mujudake kewan kang nduweni kaunikan kanthi kulit transparan. Saking transparane, akeh wong ngira yen plankton iki plastik bening kang ngambang ing laut. (d/ist)***

Pethilan

Saperangan gedhe kabutuhan bawang putih diimpor

Petani wis biasa nangis bawang Bombay kok!

Sertifikasi tanah kuwi program nyata, dhawuhe Presiden

Dadi sing apus-apus sapa iki?

Wakil rakyat saya adoh saka rakyat

Saya adoh, menyang segara wae!