Carane Mbukak Facebook Lite kang Error
Diposting oleh : Administrator
Kategori: Aiti - Dibaca: 114 kali

Facebook mujudake aplikasi sosial media kanthi jumlah wong kang nganggo jutaan utawa malah milyaran users. Ing taun 2016 Mark Zuckerberg nggawe sawenenhing fitur unik ing face­book kaya upamane fitur Smile Emoticon kang bisa difungsekake minangka cara kanggo nuduhake perasaan kita ing status, foto, utawa video kang diunggah pengguna liyane.

Lan saya akehe pengguna facebook ing Indonesia pranyata akeh uga sawe­nehing masalah ing aplikasi #Facebook an­droid. Yap, kita ngerti yen saliyane di­akses ing aplikasi browser, tim facebook uga nyedhiyani aplikasi kang jenenge face­book lan Facebook Lite. Nah, aplikasi facebook iki kang kadhang sering error, macet, utawa #Tidak Bisa Dibuka.

Kenapa Facebook ora bisa dibukak?

Umume aplikasi kayadene facebook ngalami error mesthi muncul pesan pop up kanthi tulisan “Sayangnya Face­book Lite Telah Berhenti” utawa “Unfortunately Facebook Has Stopped”.

Pesan kang muncul iki biasane ba­kal ndadekake aplikasi mandheg kan­thi da­dakan utawa malah ora bisa di­bukak ba­bar pisan. Bab iki bisa ke­da­deyan marang kabeh perangkat Android wiwit saka Smartfreen Andro­max, Samsung Galaxy, Oppo, Lenovo, Asus Zenfone, Xiomi, So­ny Experia, HTC, LG, Motorola, Vivo, Advan, lan sing liyane.

Penyebab umum ngenani aplikasi face­book kang error satemene yakuwi merga numpuke cache utawa memori RAM kang wis kebak. Pengaruhe ora mung marang aplikasi facebook wae, nanging bisa uga marang aplikasi liyane kayadene Instagram, BBM, Line, Skype, WhatsApp, lsp. Lan kanggo ngawekani bab iki para sutresna bisa nindakake lumantar metode lan langkah – langkah kaya ing ngisor iki.

 

Metode 1 : Busak File Cache Android

Metode sepisan kang bisa ditindak­ake yakuwi kanthi mbusak cache aplikasi. Satemene file cache iku apik banget kang­go ningkatake performa Android, cache bakal migunani nalika kita mbukak aplikasi tinamtu, contone wae facebook. Nanging numpuke ca­che kang kang akeh banget uga ndu­weni dampak kurang be­cik. Kanggo mbusak file cache Android, kaya mang­­kene langkah – langkahe.

  

· Bukak menu Pengaturan » Setelan Tambahan » Manajemen Aplikasi » go­lekana “Facebook” » banjur tap “Hapus Cache”.

Cathetan: Metode ing ndhuwur iki kita cakake marang Smartphone kanthi sis­tem operasi Android Lollipop v5.1.1. Yen para sutresna migunakake Smartphone be­da sistem, bisa nyelarasake dhewe me­todene.

 

Metode 2 : Peksa lan Busak Data Aplikasi Facebook

Yen metode pertama ora kasil mula coba kanthi metode kapindho yakuwi kan­thi meksa ngendhegake aplikasi lan mbusak data saka aplikasi mau. Mbusak data bakal ngilangi data login, basis data, cache, history, setelan, lsp kanthi perma­nen. Kanggo mbusak data aplikasi face­book mangkene langkah – langkahe.

· Bukak menu Pengaturan » Setelan Tambahan » Manajemen Aplikasi » golekana “Facebook” » banjur tap “Paksa Berhenti” lan “Hapus Data”.

Cathetan: padha karo ing ndhuwur, metode iki kita cakake marang Smart­phone kanthi sistem operasi Android Lolli­pop v5.1.1. Yen para sutresna mi­gu­nakake Smartphone beda sistem, bisa nyelarasake dhewe metodene.

(nyambung minggu ngarep)

Berita Terkait

img

Samak Minggu Ini

img

img

Sumber Semangat

Urip iki cekak banget yen mung trima diisi karo rasa gela lan benci.

Klik

TRADHISI KAUL LAN ABDA’U ING MALUKU TENGAH

Iki sawijining tradhisi mbeleh wedhus ngarepake Idul Qurban. Ditindakake kaping pindho, yakuwi sing umum sawise shalat idul adha, lan ana maneh sing khusus. Sing khusus kanthi mbeleh wedhus 3. Sadurunge dibeleh, tetelune wedhus iki digendhong jarit dening tetuwane adat lan diarak keliling sinambi sholawatan nuju pelataran masjid Negeri Tulehu sawise Ashar. Tujuane ritual iki kanggo tolak balak lan nyenyuwun panga-yomane Gusti Allah kanggo masyarakat Tulehu. (d/ist)

Pethilan

Polri wiwit ngrasakake anane konflik pemilu

Digulung wae pak

Pasangan capres-cawapres setuju pemilu dhame

Pendhukunge sing dikon gontok-gon­tokan

Capres-cawapres nyiapake tim sukses

Sukarelawan, nanging ana pamrih