Saka Tatal Demak
Diposting oleh : Administrator
Kategori: Banyumasan - Dibaca: 126 kali

Kaki Bawor karo kanca batir sekang grup Pengajian dhukuh Igirbenda Karangpucung kebeneran melu ziarah maring para wali Sanga  nang Demak. Ora kelalen, jamaah pengajian, kelebu kaki Bawor karo mbekayu Tebok merlokaken shalat nang Masjid Demak sing mashur. Nurut para kanca, salat nang masjid Demak sing uga dijenengi mesjid saka Tatal, bisa luwih khusu, tenimbang shalat nang mesjide dhewek nang ndesa.

Bar shalat, Kaki Bawor, mbekayu Tebok  karo kanca batir pancen nduwe wektu nggo ndeleng saka tatal sing nurut riwayate digawe daning Sunan Kalijga dibantu dening sewetara muride, kelebu Syeh Wali Perkasa sekang Perdikan Cahyana (sekiye kec Karangmoncol-Purbalinga)

Nurut pengurus masjid Demak sing njikot sekang kitab Tembang Babad Demak, dicritakaken, menawa saka tatal kuwe gaweane Sunan Kalijaga sing dununge nang sisih wetan lor Masjid Demak. Digawe sekang tatal utawa tugelan lan rincikan kayu cilik-cilik, tatal lan balbiran kayu. Njuran  dilem nganggo blendok kayu, menyan, damar, njuran ditaleni lan dijiret kenceng. Kira-kira rong tahun, jirete diuculi, saka tatal sing wis dadi balokan  nyuran  dialusi kaya saka liyane.

Ningen ana crita maning, nek saka tatal yasane Kanjeng Sunan Kalijaga degawe mung perlu wektu sewengi. Endi sing bener, ya somonggo rika kabeh golih garep nduweni penemu.

“Ramane, inyong kepenin ngerti, apa makna utawa simbul ngenani saka kayu tatal sing deyasa dening Kanjeng Sunan Kalijaga,” takone kaki Diro sing melu rombongan pe ziarah makam wali maring kaki Bawor.

“Nurut inyong kaki Diro, saka guru tatal yasane Sunan Kalijogo mujudaken simbol persatuan lan kesatuan Nusantara sing kedadeyan sekang puluhan suku bangsa. Nek kaya sekiye mbokan kaya simbul Bhineka Tunggal Ika, sing wis deanggo kawit jaman Kraton Majapahit. Tegese, Sunan Kalijaga nang Demak Bontoro teyeng ngiket suku-suku nang Nusanatara sing cilik-cilik nganti sing gedhe kaya suku Jawa, khususe nang Pulo Jawa dadi kekuatan sing ngedab-edabi. Apamaning nang Nusantara kawit jaman kuna lereng, seliyane deenggo atusan suku bangsa, atusan suku bahasa uga atusan wujud budaya lan kepercayaan. Ningen kanthi tlaten, Sunan Kalijaga teyeng ngiket suku-suku bangsa lan budaya mau nganggo iketan sing kuat. Agama Islam, kanthi simbol soko tatal,” dopoke kaki Bawor.

“Rama Bawor, kayonge ana sing narik kawigaten tumrap inyong rika warga Banyumas sekiwa tengene,” ujare kaki Diro.

“Apa sing ndadekaken ko lan kanca batir luwih ketarik maring Sunan Kalijogo,” takone rama Bawor maring kaki Diro.

“Sepisan, Sunan Kalijogo nurut crita tutur tinular sing semebar nang Banyumasan, mujudaken salah siji walisongo kang nyebaragama Islam nang tlatah Banyumasan. Kaping pindo, salah siji pembantune Sunan Kalijogo ngedekaken Mesjid Agung Demak lan yasa saka tatal, debantu dening ulama pawongan sekang tlatah Banyumas. Yakuwe Syeh Wali Perkasa sekang Perdikan Cahyana (sekiye Karangmoncol), salah siji wilayah nang Kabupaten Purbalingga. Malahan syeh Waliperkasa uga saya mesjid sing sekiye dikenal kanthi jeneng Masjid Waliperkasa nang Desa Pekiringan Karangmoncol,” ujare kaki Diro.

“Ko bener kaki Diro, sing genah, nurut crita tutur tinular, petilasane Sunan Kalijogo salah saji sekang Walisongo pancen ana nang wilayah Banyumasan, kelebu crita Garuda Beri nang kadipaten Donan sing sekiye dadi Cilacap,” ujare kaki Bawor. KLILAN

Berita Terkait

img

Samak Minggu Ini

img

img

Sumber Semangat

Yen kowe ma­ngerteni anane watu cilik ing da­lan kang kira-kira ngganggu wong liya, mula singkir­na… Sapa ngerti iku dadi sebab di­gangsarake da­lan­­mu nuju su­warga.

Klik

JEBAKAN PIKIRAN

Atusan wedhus kanthi tertib metu saka kandhange (ranch) ngliwati regol gerbang, mangka ing kandhange mau ora ana pager kang matesi lakune. Ujare ngakeh, iki sing diarani ‘jebakan pikiran’. (d/ist)***

Pethilan

Jokowi karo keluarga ing kebun raya Bogor

Rukun agawe santosa crah agawe bu­brah.

Dibutuhake panggung interaksi kang toleran

Panggung kampanye malah ana in­toleran.

Korupsi mbegal karaharjane rakyat

Metu pakunjaran wae koruptor isih raharja.