Lemah Kopar
Diposting oleh : Administrator
Kategori: Cerita Cekak - Dibaca: 198 kali

Wis suwe anggone ngrancang tuku lemah kanggo ngge-dhekake usaha giling tahu lan tempe. Papan usaha tahu lan tempe sing dinggoni kuwi di­ra­sa tansaya rupak, krana pa­brik tahu cilik-cilikan sing diwi­witi sepuluh taun kepungkur mau saiki maju banget.

Kebeneran, lemah sisih lor pabrik duweke Mbah Jikem dita­wakake kanthi rega luwih mu­rah tinimbang liyane. Gek pang­gonane cedhak pisan. Mesthi wae Karsono kepengin banget nduweni lemahe  Mbah Jikem sing wis ditinggal anake me­nyang Lampung kuwi.

“Lajeng regi saben runipun pinten, Mbah?” takone Karsono marang randha tuwa kuwi.

“Umumipun kemawon pin­ten, kula mboten ngertos rere­gen siti, Pak,” Mbah Jikem blaka.

“Ooo, nggih,” kandhane Kar­sono karo ngetokake cathetan saka kan­tong clanane. Sawise orat-oret ana kertas limang lembar mau Karsono omong ma­neh, “Tigang yuta, Mbah regi ingkang umum.”

“Kula manut kemawon, Pak.”

“Saderengipun nyuwun ngapunten, Mbah. Menawi cocog, kula nyuwun wekdal sawatawis kangge mbayaripun,” Karsono nambahi.

“Keleresan, Pak. Kula nggih betah rem­bagan kalihan yoga kula ingkang wonten Semantrah rumiyin.”

“Sumatra, Mbah”, Karsono mbenerake.

“Nggih  niku,” ujare Mbah Jikem.

Wengi candhake, Karsono gragapan tangi nalika mentas wae jam tembok muni ping rolas. Kringet gobyos njedhul saka pori-pori sakujur awake. Ambegane kreng­gosan, kaya mentas wae diburu dhemit.

“Ana tenger apa iki, kok aku ngimpi di­uber-uber wong sing nggawa tali abang. Tali sing nalika disabetake lemah ndadek­ake lemah mau kobong mulat-mulat?” Kar­sono takon jroning ati. Dhadhane sisih kiwa krasa panas, rasane kaya ana sisa kopare geni ing alam pangimpen mau.

Telung wengi sabanjure impen medeni mau teka maneh. Malah pawongan sing marani dheweke luwih medeni dibandhing sadurunge.

“Ngati-ati kowe!” ancaman pawongan brewok, rambut mawut-mawut, siyung mri­ngis, siyap arep nglethak dheweke mau. “Yen kok terusake anggonmu tuku lemah, kowe bakal nemahi bilahi. Eling-elingen pesenku iki!” sambunge pawongan klambi abang mbranang iku.

Apa sing mentas dialami mau dening Karsono banjur ditakokake Kyai Bajuri, ula­ma mumpuni saka Desa Susuh Bango. Sa­ka kyai sepuh sing nduweni kawaskithan mau Karsono lagi mudheng menawa ing awale taun seketan, lemah sing arep ditu­ku kuwi tau dipanggoni Mbah Gambyong Jeprak.

Mbah Gambyong Jeprak kuwi sawiji­ning dhukun ngelmu ireng sing……………

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan