Ketularan Maca
Diposting oleh : Administrator
Kategori: Wacan Bocah - Dibaca: 143 kali

Dina iki ulang taune Ambar. Sawise ngucapake selamat ulang taun, bocah-bocah kelas lima menyang kantin sekolah. Arep ditraktir Ambar tu-ku bakso. Wah, kabeh padha jejingkrak-an, seneng amarga isa maem bakso gratis.

“Mbar, iki kanggo awakmu,” kan­dhane Nila karo ngulurake bungkusan kado. Ambar mesem. Ndeleng bentuk bungkuse, Ambar wis isa mbadhe apa isine.

“Iki mesthi buku, yo!” sumaure Ambar.

Nila manthuk. Bocah-bocah liyane me­sam-mesem. Kabeh wis apal. Yen Nila aweh kadho, mesthi isine buku crita. Ka­dhang komik, kadhang novel anak. Kuwi wis dadi kebiasaane Nila wiwit kelas siji.

Nanging, ora kabeh bocah seneng oleh kadho buku saka Nila. Ambar buk­tine. Bocah siji iki ora seneng maca. Wis ana buku papat saka Nila ing rak buku omahe. Nanging, durung ana siji-sijia sing diwaca.

 Bu Guru ngendika, yen saben dina bocah-bocah kudu nggawa buku crita. Tujuane kanggo kegiatan literasi. Supaya bocah-bocah sregep maca, Bu Guru nye-dhiakake wektu 15 menit sakdurunge pelajaran kanggo maca.

Ambar nggawa buku kadho ulang taun saka Nila. Nanging ora diwaca. Beda banget karo Nila. Bocah kuwi nggethu anggone maca buku novel anak, kandel banget.

“Kowe kok ora bosen, maca sakmene kandele, Nil?” pitakone Ambar.

Nila ngguyu. “Wis biasa, Mbar. Crita­ne apik tenan. Aku ora sabar kepingin weruh pungkasane.”

Ambar gedheg-gedheg. Maca buku crita tipis ngene wae dheweke ora kuat. Apa maneh yen dikon maca buku tebel kaya Nila. Byuh…byuh, Ambar pilih non­ton tivi wae timbang maca.

“Bukune wis mbokwaca, Mbar?” Nila takon. Ambar mesem isin. “Durung, Nil.”

“Ndang diwaca. Kuwi lucu banget cri­tane. Takjamin, kowe mesthi seneng macane.”

“Apa kowe wis maca buku iki?” Ambar takon. Kandhane Nila, dheweke mesthi tuku buku dobel saben judhul. Tujuane, siji diwaca dhewe, siji dienggo ngadho yen ana kancane sing ulang taun. Ambar mlo­ngo. Lagi iki weruh ana kanca kaya ngono.

Ambar dadi ora penak atine. Sung­kan dhewe karo Nila. Mula, buku saka Nila gage dibukak. Gambare luwih akeh ketimbang buku kandel sing lagi diwaca Nila.

Ambar namatke gambar-gambar ing njero buku kuwi. Apik tenan gambare. Sa­ka gambare mau, Ambar dadi pena­saran, kaya apa crita sabenere.

Ora suwe, Ambar wis nggethu olehe maca. Sedhela-sedhela dheweke me­sem. Bener kandhane Nila. Critane lucu. Lha saiki, Ambar malah ngikik-ngikik dhewe.

“Mbar, Ambar,” Nila nyenggol sikute Ambar. “Tutupen bukune. Saiki wayahe pe­lajaran.”

“Sik, sedhilut maneh,” sumaure Am­bar ora noleh.

“Sst, Mbar, Bu Guru wis siap ngajar kuwi, lho!” Nila njawil tangane Ambar.

Ambar mrengut. “Piye, sih, iki? Lagi enak-enak maca, kok dikon pelajaran. Aku penasaran pingin weruh piye nasibe Goldy.”

“Goldy?” bathuke Nila njengkerut. Gumun.

“Iku lho!” Ambar nuduhake gambar lakon ing buku critane.

Nila ngikik. “Wah, saiki dadi seneng maca, ya!”

Ambar uga ngikik dhewe. Yen dipikir-pikir, dheweke saiki wis mulai ketularan Nila. Ketularan seneng maca buku. Hihi... ora dinyana, yen wis maca iku asyik te­nan,yo. (BE. Priyanti)***

Berita Terkait

img

Samak Minggu Ini

img

img

Sumber Semangat

Ana Gusti papane se­mendhe kang kukuh, geneya wedi tiba. Ana Gusti kang kagu­ngan tresna sejati, ge­­neya wedi kela­ngan. Ana Gusti pang­gonane nyenyuwun, geneya wedi kentek­an? Pasrahna saka­behe marang Gusti Kang Murbeng Dumadi.

Klik

60 TAUN ORA ADUS

Adus saben dina penting banget kanggo njaga kesehatane awak. Nanging ora mangkono tumrape Amou Haji, priya tuwa asal Iran iki malah lara kabeh kulite yen kena banyu. Mula dheweke ora tau adus sasuwene 60 taun iki. Nganti-nganti dijuluki priya paling kotor sadonya. Kepriye ora, werna kulite wis padha karo wernane lemah, semono uga teksture atos kaya semen saengga kerep dikira patung yen lagi lungguh meneng wae. (d/ist)

Pethilan

Pirembugan cawapres durung rampung

Dudu mung ngomongi ban serep

Disiapake rekayasa lalu lintas kanggo Asian Games

Jalur zig-zag sepedhah uga ana

Penduduk desa bisa saya miskin

Nah, kena kanggo bahan adol kam­panye