Pangeran Diponegoro Pesareyane ing Sumenep?
Diposting oleh : Administrator
Kategori: Laporan - Dibaca: 62 kali

Pangeran Diponegoro minangka Pahlawan Nasional putrane Ngarsa Da­lem Sri Sultan HB III. Duwe asma timur Raden Ontowiryo, miturut sejarah nasi­onal sing dibukokake, Pangeran Dipone­goro diperjaya dening Walanda sing awale saka meja perundhingan.

Jebule dinggo sarana licik Walanda, dinggo siasat wae. Panggonan sing dadi seksi, saiki dadi museum ana kutha Ma­gelang. Museum pengabadiane Pange­ran Diponegoro dadi siji karo kantor Kari­sedenan Kedu.

Ing museum iku peninggalan utama tinggalane Pangeran, siji : cangkir lan poci, loro : dhipan kanggo sholat Pange­ran, Baju (Jubah Pangeran), Kitab Al-Takrib isine strategi-strategi utama sia­sat perang sing digunakake Pangeran lan meja kursi perundhingan sing jebule amung dinggo tipu muslihat.

Penulis nate maca buku sing kajupuk dening museum Diponegoro Tegalrejo. Pa­­ngeran sawise ditangkep digawa me­nyang Ambarawa, banjur sateruse me­nyang Batavia lan langsung nuju Menado nggunakake kapal Pulog, sabanjure seda lan disarekake ana Kampung Melayu Ujung Pandang.

 

Makam Sumenep?

Ana versi sing durung bisa ditelaah secara gamblang jer sumber sing ana ya mung bisa diarani gethok tular. Sum­ber iku asale saka keturunan Pangeran Diponegoro saka garwa sing aran Raden Ayu Titisari. Versi iku nyebutake yen ma­kam Diponegoro ana ing Sumenep.

Awale saka peperangan ana kutha Solo. Pangeran ketaton ing dhadhane si­sih tengen amerga kena pelor utawa pe­lu­ru bedhil Walanda. Sabanjure dhe­weke mangetan menyang Sumenep, ban­jur seda lan disarekake ana kutha iku.

Mula dheweke ora percaya yen Pa­ngeran sing amerga daleme Tegalrejo di­gusur dinggo dalan sepur sing kerja pak­sa utawa rodi iku bisa diperjaya. Pa­ngeran sing bisa diperjaya iku mung Pa­ngeran palsu.

Dhewekke duwe data yen Pangeran Diponegoro sing palsu ditumpakake tank lan dibanda nuju Ambarawa lan Sema­rang. Rakyat padha ndelok yen pemim­pine sing wis nyerah utawa kalah, kuwi kabeh asline amung strategi licike Landa.

Pangeran sing mimpin peperangan nganti limang taun (1825-1830) iku mitu­rut perjanjian, kekurangan prabeya / ra­gat, Landa njaluk nganti marang Kasul­tanan Yogyakarta. Sing kasebut ana bu­ku Java Orlog (Perang Jawa), rugine Lan­da nganti 200.000 gulden. Nganti tenta­ra Landa sing ana luar Jawa kepeksa di­ta­rik menyang Jawa.

Penulis nate dolan lan mlebu ana mu­seum terkenal ing Negara Landa. Mu­seum iku komplit utamane ngenani se­jarah lan Budaya Indonesia. Mung emane literature sing nyritake riwayat Pangeran Diponegoro ora ana tilase uta­wa blank. Merga saka iku, kanca-kanca amung ngedumel dhewe, Perang Dipo­negoro dianggo wewadi. (*)

 

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…