Kalibacin
Diposting oleh : Administrator
Kategori: Banyumasan - Dibaca: 4 kali

“Ramane, inyong arep takon maring rika, kenangapa sendhang nang desa Tambaknegara sing bisa nggo tamba, dijenengi Kalibacin. Mbokan angger sing jenenge bacin kuwe ambu banger bathang mati,” takone mbekayu Tebok maring ramane ya Kaki Bawor.

“Ooo kuwe. Kalibacin kuwe kan jeneng pemandian sing banyune pancen mambu banger, merga nang tuke Kalibacin pancen ana sumber mineral nduweni kandungan belerang sing gedhe. Mulane ambune banger utawa bacin. Ningen  senajan bacin utawa banger, banyu sing metu sekang tuk utawa sendhang, bisa dianggo tamba. Mulane ana uga sing njenengi tirta husada. Tirta kuwe banyu, husada kuwe obat utawa pengobatan utawa tamba.”

“Ramane angger ora salah, kalibacin kuwe melu desa Tambak­negara Kecamatan Rawalo Kab Banyumas ya ramane. Seliyane ana Tirta Husada, kayonge sing jenenge Bendung Gerak Serayu sisih kulon uga melu nang desa Tambaknegara. Lha sing sisih wetan, melu maring Kecamatan Kebasen,” ujare Tebok.

“Ko bener Tebok, Kalibacin sing ana tirta husadane pancen melu maring Tambaknegara Rawalo, jejeran karo Bendung Gerak Serayu sing sekiye uga didadekaken obyek wisata nang Kabupaten Ba­nyumas. Nang kono seliyane ana bendungan, uga ana wisata air sing dinggo praon, mancing lan wisata kuliner,” dopoke kaki Bawor.

“Ramane, nang wilayah kono angger digarap kanthi apik, bisa dadi sumber pendapatan daerah ya ramane. Apamaning panggo­nane nang pinggir gili gedhe Bandung Purwokerto lewat Wangon-Ja­tilawang-Patikraja. Uga dalan rame Purwakerta Cilacap liwat Sampang apa Menganti. Ningen kayonge wis pirang-pirang tahun ora patiya keurus. Dadi ora bisa megar kaya panggonan wisata liyane nang wilayah Banyumas,”  penemune mbekayu Tebok.

“Pancen Tebok, nggarap obyek wisata ora gampang, apamaning nang Banyumas, Cilacap lan Purbalingga panggonan wisata wis cukup akeh. Sing jenenge Kalibacin karo Bendung Gerak Serayu pang­gonane ora adoh karo papan-papan mau. Kuwe tegese, usaha wi­sata uga kudu degarap kanthi profesional, ora mung kanggo asal-asalan, sing tundone malahan ngentekaken biaya lan tenaga. Inyong yakin pisan, sing ngelola obyek wisata nang Tambaknegara ora gelem desalahaken nek wilayah mau ora maju. Ningen inyong yakin, angger obyek wisata mau dekelola kanthi apik, mesthi nga­silaken. Ora mung rupa pen­dapatan daerah, ningen paling ora ya teyeng kanggo ngurangi pengangguran. Apamaning nang Ba­nyumas sekiye lagi megar ke­senian rakyat. Contone, kenthongan utawa tek-tek, ebeg, wayang, kethoprak lan liyane. Angger obyek wisata mau degandeng karo kesenian lan budaya, wah jan maen pisan,” kaki Bawor nambahi.

“Ndeyan nang kono angger didegaken hotel utawa pengi­nepan, lan ditambahi tontonane mesthi saben ndina payu ya ra­mane. Lha kae jongko utawa panggonan kuliner sing isih kaya gubug-gubug ditata lan didandani sing maen, mesthi wong sing liwat nang kono gelem mampir. Paling ora ya padha nyicipi masakan pinggir kali Serayu. Njuran pemandhangan maring kali aja dialingi, uga sing maring alas jati nang sisih kulon, kudu tetep keton, tulih jan maen pisan,” Tebok melu ngrancang nata. KLILAN

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)