Ora ana sing Nyangka Galang bisa Juara ing Jerez
Diposting oleh : Administrator
Kategori: Olahraga - Dibaca: 64 kali

Direktur PT Yamaha Indonesia, Minoru Morimoto, ora ngira yen pembalap Indonesia Galang Hendra bisa menang ing World Supersport (WSSP) 300 seri Jerez. Mangka dheweke mung ditarget sak poin wae.

Galang kasil bisa juara ing Sirkuit Jerez, Spanyol, jroning seri kasanga WSSP, Minggu kepungkur (22/10/017). Pembalap Yamaha kang kegabung klawan tim Motoxracing iku menang dramatis.

Sempat ana ing urutan kalima ing telung tikungan terakhir, nanging Galang wusanane sukses dadi kang paling ngarep. Dheweke unggul 0.026 dhetik saka Scott Deroune, kang ana ing posisi loro.

Minangka pembalap wild card lan duwe awak mungil, penampilane Galang wis ndadekake wong-wong Eropa ing tim-e kaget. Galang bola-bali lolos saka gangguan lawan ing wektu-wektu kang gawat.

“Akeh wong Eropa kang ora ngira yen Galang bisa mecithat kaya ngono. Apamaneh, mesthine kanthi ukuran awak kaya ngono iku Galang bisa goyang nalika disenggol” ujare Minoru.

“Sakawit aku pancen ora tau mbayangake yen Galang bisa menang ing balapan iki. Aku mung ngakon menyang Galang amrih paling ora njupuk sak poin supaya jenenge ana ing daftar klasemen” sambunge.

Galang sakawit mung oleh kesempatan mbalap ing seri kapitu kang lumaku ing Autodromo Internacional do Algarve, Partimao Portugal, 17 September 2017. Nanging, oleh kesempatan sepisan maneh sawise gagal finis ing Portugal akibat kesalahan tim.

“Nalika ing Portugal ana masalah ing pengaturan gigi (full step). Nah, tim engineering kang wong Eropa rumangsa salah karo Galang, mula kanggo nebus mau dheweke diwenehi kesempatan sepisan maneh, yaiku ing Jerez” ujare priya asal Jepang iku nambahake.

 

Tegang ing Paddock

Swasana tegang sempat kedadeyan ing paddock tim Yamaha nalika ndeleng Galang Hendra tampil ing World Supersport (WSSP) 300. Malah, tim meh wae ngantem televisi.

Bab iku dikandhakake Morimoto. Kedadeyane persis pas sawise finis merga ngira Galang mung finis kaloro.

“Galang miwiti balapan kanthi apik, nanging ing tengahe posisine munggah dheweke turn. Nalika ana tikungan dheweke bisa bali menyang posisi kang luwih apik. Wong-wong Eropa nganti kandha yen gaya Galang ing tikungan iku tipe pebalap Asia banget” ujare Minoru.

“Ing paddock, tim nonton balapane tegang banget. Mungkin aku nonton luwih kesel katimbang Galang kang mbalap. Dheweke akeh dipepet karo pembalap-pembalap Eropa liyane, nanging Galang tetep wae bisa lolos” sambunge.

“Kita malah meh wae ngantem televisi ing paddock nalika Galang ngliwati garis finis. Kita kira dheweke ing posisi loro, pranyata ora. Wong-wong Eropa ing tim kita sakala langsung sorak” ujare priya asal Jepang ksb.

(d/ist)

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…