Jembatan Ratna Diterusake
Diposting oleh : Administrator
Kategori: Yak Opo Kabare - Dibaca: 56 kali

Proyek Jembatan Ratna bali diterusake. Sebab, bangunan siji sing pepalange pembangunan wis kasil dibebasake, Kemis (19/10). Klawan mangkono, kontraktor bisa enggal nerusake sisane garapan kreteg sing nyambungake Jalan Ngagel lan Jalan Darmokali iki.

Eksekusi bangunan siji ing pinggir kali Kalimas Jalan Ngagel kasebut ditindakake nalika jam 09.00. Pem­bongkaran iku ditindakake petugas gabungan saka Satpol PP pemprov, Satpol PP Surabaya, Balai Besar Wilayah Sungai (BBWS) Brantas, dinas PU Bina Marga dan pematusan sarta pihak keamanan.

Negosiasi karo sing duwe omah, keluwarga Nurlela, kaleksanan wiwit jam 07.00. Negosiasi kasebut klakon alot. Sebab, Nurlela lan bojone isih nuntut ganti rugi. Nanging, pemkot Surabaya asikep tegas, lan pembongkaran tetep dileksanakake.

Nurlela dalah sisihane uga ora kuwawa apa-apa. Dheweke mung bisa ndeleng omahe sing wis dipanggoni wiwit taun 1970-an iku diru-buhake alat berat. Nurlela mujudake siji-sijine warga sing milih tetep ing kono. Ana limang omah sing kena gusur proyek kasebut. Nanging, limang omah mau wis dibebasake. “Aku babar pisan ora diwe-nehi dhuwit ganti rugi, kok malah diwenehi rumah susun (rusun),” pisambate Nurlela.

Ya, pemkot wis nyepakake flat ing Romokali­sari kanggo warga sing kena proyek kanggo kepentingan umum iki. Nanging, Nurlela lan kulawargane kabotan. Sawatara iki, barang-barang ing njero omah kasebut diamanake ing Kelurahan Ngagel.

Kepala Satpol PP Surabaya Irvan Widyanto ngandhakake, penertiban bangunan ing pinggir kali Kalimas Jalan Ngagel iku dirembug adoh sadurunge. Bangunan siji kuwi biyen nate disewakake kanggo showroom. Perangan mburine kanggo pedunungane warga. Omah iku didunungi kepala keluarga (KK) siji. Ana anak uga ana putu,” kandhane.

Irvan nambahake, saiki barang-barang asil penertiban kasebut isih ana ing Kelurahan Ngagel. Mengko warga uga dibiyantu mindhahake barang nalika Nurlela lan kulawargane si­-yap manggoni flat Romokalisari. “Aku isih durung ngerti dheweke gelem manggon rusun iki apa ora,” ujare.

Kepala Dinas PUBMP Erna Purnawati ngandhakake, proses kanggo nertibake bangunan ing pinggir kali Kalimas ing Jalan Ngagel Nomer 141 A lan B wis suwe ditindakake. Sing nindakake langsung BBWS Brantas. Proses sing ditindakake uga slaras karo aturan. “Nembe dipasrahake satpol PP provinsi lan saiki eksekusine,” jlentrehe.

Erna nerangake, lemah wates (sempadan) pancen ora oleh dibangun kanggo pedunungan. Dadi, bangunan ing kono sawayah-wayah bisa ditertibake. “Saiki kabeh bangunan ing wates kali kanggo proyek Jembatan Ratna wis ditertibake,” kandhane.

Klawan mangkono, pekerjaan fisik Jembatan Ratna bisa diterusake.Saiki kemajuwan pembangunan kreteg kasebut wis nggayuh 65 persen. Saiki kreteg iku wis katon nyambung anta-rane Jalan Ngagel lan Dar-mokali. Proses pamasange girder uga terus ditindakake. Girder sing dipasang iku cacahe ana 18 iji.

Jembatan Ratna dibangun dawane 36,11 meter lan jembare 19,40 meter. Mengko kreteg kasebut bakal dipepaki rerenggan seni bangunan sing aneh. “Jatahe, suk 10 Nopember kudu wis rampung lan bisa digunakake,” ujare. (b)

Berita Terkait

Samak Minggu Ini

img

img

Sumber Semangat

Wong kang nglarani awakmu, yen dudu luwih kuwat ya luwih ringkih saka awakmu. Tumrape sing luwih ringkih saka awakmu, apu-ranen. Lan kang-gone kang luwih kuwat, apuranen awakmu dhewe.

Klik

PATUNG RASEKSA MAO ZHEDONG

Patung emas raseksa tilas pemimpin Cina, Mao Zedong ing desa Tongxu, Henan, Cina. Patung kang dhuwure 36,6 meter mawa cet emas iki madeg ing sandhuwure pategalane warga, ing desa Tongxu, provinsi Henan, Cina. Ragad kang dientekake kanggo mbangun patung iki kurang luwih Rp 6,3 milyar. Mao Zedong mujudake presiden pisanan negara pandha kang kuwasa suwene 27 taun. (d/ist)***

Pethilan

Rega pangan ngadhepi pasa dijamin

Pengin murah, tuku nang koran ae!

Gaya ngadibusanane Pres. Jokowi mujudake strategi komunikasi

Ana sing nggaya ote-ote uga

Legislator kena OTT KPK maneh. Ketua DPR Bambang Soesatyo nga¬jab iku kang pungkasan

Pungkasan sing korupsi apa pung­kasan sing konangan?