Siap Siap Pemilu
Diposting oleh : Administrator
Kategori: Surabayan - Dibaca: 2 kali

Hawane pemilu 2019 wis wiwit semlenget. Partai politik (parpol) calon peserta wis padha dhaftar ndhuk  Komisi Pemilihan Umum, onok 27 parpol. Nek diban­dhingna barek jumlahe partai sing resmi gak onok separone. Jumlahe partai saniki onok 73 partai. Dibandhingna barek pemilu 2014 jumlahe ya kalah adoh, pas taun 2014 sing daftar onok 46. Akehe sing gak dhaftar merga ketanggor syarat sing cukup abot, contone kepengurusan kudu onok ndhuk saben pro­vinsi. Awak dhewe wong cilik sing tugase muk nyoblos, saniki kudu wiwit siap-siap kudu dadi pemilih sing cerdas, ojok dadi pemilih seket ewunan tah cap kaos. Artine muk dikeki dhuwik seket tah kaos terus milih sing ngekeki mau. Niki sing rugi awak dhewe, lha yok apa nek tibake sing dipilih mau mayak tukang korupsi, apa sing rugi duduk awak dhewe. Koyok masalah E – KTP sing rugi ya awak dhewe, merga dikorupsi pulih kate gae KTP ae sampek taunan tah wulan-wulanan,” omonge Ning Sumeh ndhuk balane.

“Iya ning awak dhewe kudu sing pinter pinter milih,  nek encene wis cacat ya gak usah dipilih, niku wis dadi ciri wanci, barek wis gak duwe isin, wis tau kenek urusan gak idhep isin nyalon maneh. Nah saniki wis wayahe awak dhewe tambah dewasa, ojok muk melok-melok.” Cak Bedja nambahi omongane Ning Sumeh barek ngombe es garbis.

“Cumak repote dulur-dulur niku gelek geleke muk anut grubyuk, endi sing lagi rame- ya melok rame-rame barek bala-bala liyane artine gampang katutan. Contone gak angel-angel, yok apa jaman akik wingi, mbok ndhuk endi-endi umek perkara akik, cobak saniki, sepi. Sing isik njingglengi akik ya cumak wong-wong sing encene duwe hobi akik, duduk sing muk anut grubyuk. Terus jamane iwak lohan, kabeh umek iwak lohan, umek manuk love bird kabeh mburu, jaman wit gelombang cinta kabeh ya umek.” Cak Ari nambahi rembug.

“Lha niku lah dulur, makane awak dhewe niku jaman saniki ojok dadi wong sing gumunan, kagetan gampang kenek pengaruh. Kudu duwe sikep dhewe. Nek encen barang niku apik, mbok sampek kapan ae tetep apik regane ya larang koyok contone manuk cucak rawa, mbok kitbiyen sampek kapan ae ya tetep disenengi wong merga encen kualitas ocehane sing hebat, koyok iwak koi merga apik ya tetep disenengi wong regane ya larang, akik sing wis kelas permata koyok mirah, blue safhire, jamrud, barek liyane merga pancen apik mbok sampek kapan ae ya tetep disenengi wong regane ya tetep larang, nah milih pemimpin ya kudu sing ngati-ati, nek isok sing encene wis teruji utawa paling enggak awak dhewe wis eruh dina-dinane supayane gak kleru. Ojok getun marine,” pak Lik Dur nrambul.

(Sing bakal luwih ngati-ati gak frusa grusu milih pemimpin: Cak Ari, Cak Bedja, Pak Lik Dur barek Ning Sumeh)

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)