Kadipaten Purwakerta
Diposting oleh : Administrator
Kategori: Banyumasan - Dibaca: 6 kali

Kaki Bawor, Kaki Hartoyo isih umyek dopokan karo macit mendoan lawuh cengis nang Bojongsari, gubuge kaki Hartoyo. Sing derembug isih crita kota Purwakerta sing sekiye dadi Kota Kadipatene Banyumas.

“Ramane, jere gemiyen Purwakerta kuwe kadipaten dhewek, pisah karo Banyumas ya ramane,” takone Hartoyo maring kaki Bawor.

“Lho apa iya sih ramane,” Gonang, guru nang Sekolah dasar Penusupan melu takon, kepengin ngerti larah-larahe.

“Kuwe bener, Purwakerta jaman gemiyen pancen dadi kota kadipaten pisah karo Banyumas, lawase antara 100 tahun utawa 1 abad. Singdadi adipati kawitan yakuwe adipati Mertadireja sing banjur diparingi Jeneng Brotodiningrat dening Susuhunan Pakubuwono Kraton Surakarta Ha­diningrat.

“Kedadeyane keprimen ramane,” Gonang isih takon merga durung paham.

Kuwe kedadeyan tahun 1830 sewise perang Jawa utawa Perang Dipo­negoro. Banyumas sekukuban yakuwe Purbalingga, Banyumas, Banjarne­gara lan Dayeuhluhur, disrahaken sekang Susuhunan Pakubuwono maring Landa. Njuran Gubernur Jendral Landa Van Den Boch mbagi Banyumas dadi lima.

1. Kabupaten Banyumas, bupati Raden Ngabehi Cakradirja nganggo gelar Raden Adipati Cakranegara kedadeyan sekang  - Onderdistrict Banyumas- Onderdistrict Adireja- Onderdistrict Purworejo Kelampok

2.  Kabupaten Ajibarang, bupati Radena Adipati Martadireja II . Tahun 1832 pindah maring Purwakerta, merga Ajibarang keterjang udan lisus nganti 40 dina. Pendopo Kadipatene rubuh. Kadipaten Purwokerto Keda­deyan sekang  - Onderdistrict Purwokerto- Onderdistrict Ajibarang - On­derdistrict Jambu Jatilawang 

3. Kabupaten Purbalingga, bupati R.M. Tumenggung Dipakusuma II, Kedadeyan sekang  - Onderdistrict Poerbolinggo - Onderdistrict Soekaradja - Onderdistrict Kertanegara Bobotsari - Onderdistrict Tjahjana

4. Kabupaten Banjarnegara, bupati  Raden Tumenggung Dipayuda IV. Kedadeyan sekang - Onderdistrict Banjar - Onderdistrict Singamerta - Onderdistrict Leksan - Onderdistrict Karangkobar - Onderdistrict Batur

5. Kabupaten Dayeuhluhur, Bupati  Raden Tumenggung Prawiranegar  Kedadeyan sekang - Onderdistrict Majenang - Onderdistrict Dayeuhluhur - Onderdistrict Pegadingan - Onderdistrict Jeruklegi

“Wektu semono durung ana kabupaten Cilacap ya ramane,” takone Hartoyo.

“Cilacap lahir tahun 1856. Kuwe tegese wektu semono Cilacap durung lair. Sing ana ya Kadipaten Dayeuhluhur,” sekiye ganti Gonang sing mangsuli. Pak Guru ndesa isih kemutan lahire Kadipaten Cilacap kanthi bupati kawitan Cakrawedana II, tilas patih Purwakerta sing njuran depindah lan trukah nang Cilacap.

“Lha ngabunge Banyumas maring Purwakerta kapan ramane, jaman kuwe sapa sing dadi adipati utawa Kanjeng Bupati,” takone Hartoyo.

Banyumas ngabung karo Purwakerta tahun 1937, nalika bupatine Tumenggung Sujiman Gandasubrata. Pindahe kadipaten Banyumas maring Purwakerta detengeri karo pindahe pendopo si Panji sekang Banyumas maring Purwakerta ningen ora kena ngliwati kali Serayu. Pen­dapa Purwakerta lawas dirubuhaken merga kayu-kayune akeh sing pada bosok, wis miring arep ambruk,” terange kaki Bawor. KLILAN

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)