Sopir Online Nganakake Unjuk Rasa
Diposting oleh : Administrator
Kategori: Dredah Masalah - Dibaca: 16 kali

Ewon sopir trans­portasi online (daring) kang kagabung ing Geram Online Bandung Raya nganakake unjuk rasa ing ngarep Gedhong Sate, Kota Bandung, Senin (16/10) kepungkur. Dheweke kabeh ngenteni anane aturan pelaksanaan transportasi daring saengga bisa nduweni dhasar hukum.

 

Koordinator Aksi Geram Online Bandung Raya Andrian Mulyaputram ngandhakake, salah siji saka enem panjaluke Geram yaiku ngajap pemerintah supaya enggal ngetokake pranatan utawa peraturan daerah gegayutan transportasi daring, becik kendharaan rodha loro apadene rodha papat.

“Aku kabeh kepengin kerja klawan aman lan nyaman amarga aku kabeh diayomi payung hukum arupa aturan. Yen kahanane kaya saiki iki, ora apik, becik kanggone aku kabeh apadene konsumen,” ujare Andrian, nalika sesorah marang ewonan uwong ing ngarep Gedhong Sate, Kota Bandung.

Wiwit Peraturan Menteri Perhubungan Nomer 26 Taun 2017 dibatalake dening Mahkamah Agung (MA) liwat keputusan MA nomer 37 P/HUM/2017 dhek sasi Agustus kepungkur ndadekake transportasi online dadi ora duwe payung hukum sing genah. Ing Provinsi Jawa Barat, dhek minggu kepungkur Dinas Perhubungan (Dishub) Jawa Barat ngetokake ajakan marang sopir transportasi online supaya ora golek penumpang paling ora nganti 1 Nopember.

Keputusan Dinas Perhubungan Jawa Barat dijurung marang tuntutan gabungan sopir transportasi konvensional (mupakating umum) ing Wadah Aliansi Aspirasi Transportasi (WAAT), sing ngajap anane transportasi online dilarang.

Saliyane ngajap diwetokake regulasi utawa peraturan daerah, Geram online Bandung Raya uga ngajokake panjaluk lima liyane. Peraturan enem iku disampekake nalika proses melune pehak liya kanggo ngrampungake pasulayan (mediasi) perwakilan wong walu saka massa karo perwakilan  Provinsi Jawa Barat. Nalika sapatemon Andrian didhampingi wong pitu saka sakehing kumpulan, kayadene Himpunan Driver Bandung Raya (HDBR) Comunity Online Car (COC) lan Perkumpulan Pengemudi Online Satu Komando (Posko) Jawa Barat.

Saka pihak pamarentah sing teka, antara liya Kepala Dinas Perhubungan Jawa Barat Dedi Taufik, Kepala Biro Hukum dan Hak Asasi Manusia Provinsi Jawa Barat Budi Prastio, Kepala Kesatuan Bangsa dan Politik (Kesbangpol) Jawa Barat Rudi Ganda Kusuma, lan Direktur Lalu Lintas Kepolisian Daerah Jawa Barat Komisaris Besar Prahoro Triwahyono.

Sarining pangajap iku, ora ana pangojok-ojok (provokasi) saka transportasi online apadene konsumen. Lelorone pihak padha njagane sasuwene pirembugan nggawene perda.

Nanggapi panjaluke ngenani gawene peraturan daerah, Kepala Dinas Perhubungan Jawa Barat Dedi Taufik ngandhakake, dheweke ora bisa langsung gawe aturan. “Bakal ana pituduh lan keputusan saka pemerintah pusat liwat Kemenhub. Aku kabeh kudu ngenteni bab iki,” ujare Dedi.

Sawatara panulakan  marang transportasi berbasis aplikasi nyebar engga tekan Aceh. Nalika Senin kepungkur, atusan sopir becak, taksi lan angkutan kota nganakake unjuk rasa ing ngarep kantor Gubernur Aceh, isine uga nulak operasine transportasi online.

Massa teka  arak-arakan migunakake becak, taksi, lan angkutan kota. Banjur dibarisake ing plataran kantor gubernur. Dheweke kabeh nggawa poster lan spandhug isine nulak marang tekane transportasi berbasis daring.

Ketua Koalisi Transportasi Aceh Adiguna ngandhakake, wiwt tekane transportasi berbasis aplikasi pengasilane transportasi konvensional dadi ajlog akeh banget. Bab iku merga taripe transportasi daring luwih murah tinimbang konvensional.

Bab iku uga padha dirasakake dening sopir angkutan konvensional Sumatera Selatan. Dheweke kabeh ngajap tegase pemerintah  anggone ngatur angkutan berbasis daring sing dianggep wis gawe kaputunan.

Unjuk rasa sopir angkutan kon­vensional ing Palembang iki mujudake unjuk rasa kang kaping papate. Tuntune yaiku ndheseg pemerintah ngendheg  operasional angkutan daring sing dianggep gawe kapitunan. (Kps)

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)