Mindhah Kontak PIN BBM Android Tanpa Invite Ulang
Diposting oleh : Administrator
Kategori: Aiti - Dibaca: 8 kali

Mindhah Kontak BBM menyang HP Android mujudake bab kang kawitan kang mbokmenawa kita tindakake nalika ganti ponsel saka sadurunge kang mi­gunakake Blackberry lan saiki migu­nakake HP Android. Mesthi wae kita ora pengin kelangan puluhan kepara atusan kontak penting kang ana ing Hp lawas kita ta?

Ing ngisor iki ana sawenehing cara praktis lan gampang kanggo mindhah­ake kontak kanca bbm saka hp Blackberry, iPhone, utawa nokia windows phone menyang hp Android tanpa kudu invite ulang siji mbaka siji. Kita uga ora perlu migunakake lan ndownload aplikasi kang aneh-aneh kanggo mindhahake kon­tak bbm. Kaya mangkene carane. 



Cara sing iki pancen paling gampang bisa kita coba kanthi email lan password akun blackberry kang lawas.

1. Download lan install aplikasi BBM ing Hp Android

2. Banjur login migunakake email lan password Blackberry ID lawas mau

3. Sawise iku bbm bakal kanthi otomatis ndeteksi akun blackberry id kita lan mesthi wae kabeh kontak PIN ing BBM lawas bakal muncul kanthi otomatis tanpa perlu add siji mbaka siji.

 

Mindhahake Kontak BBM menyang Android nganggo Google Sync

1. Kanggo metode kaloro iki pesthekna dhisik kita kudu nduweni akun Gmail kang isih aktif

2. Download lan install aplikasi GoogleSync menyang ponsel lawas kita

3. Aktifaake aplikasi GoogleSync, mlebu menyang menu Option, lebokna akun Google/ Gmail kita.

4. Sawise iku kontak Pin BBM kita bakal sinkron marang akun Google kita, dadi sawise kita nglebokake akun Google menyang Hp Android kang anyar mula kanthi otomatis kontak kita bakal pindhah.

Cathetan: Aplikasi Google Sync bisa didownload ing Browser, dudu ing Toko Aplikasi.

 

Nalikane Android Restart Dhewe

Wong kang migunakake smartphone android ing donya iki saya akeh wae, kle­bu ing Indonesia. Kanthi fitur-fitur kang canggih lan menarik sarta rega smartphone kang murah ndadekake android saiki disenengi sapa wae, wiwit wong ngisoran, menengah, engga kelas atas.

Merga akeh pengguna smartphone android anyar lan durung ngerti marang Os siji iki mula bakal krasa angel banget ngatasi masalah kang ana, upamane hp android restart dhewe tanpa sebab.

Hp android sering restart dhewe bi­asane merga ana maneka bab, ing an­tarane yakuwi overheat, cache kang numpuk, RAM kebak, ora cocoke aplikasi utawa bisa uga merga Virus. Kanggo ngatasi bab iki kita bakal aweh trik lan tips carane.

Carane ngatasi masalah iki yakuwi kanthi mbalekake settingan menyang ga­wan pabrik utawa kang luwih dikenal kanthi aran Factory Reset. Yen kita isih bisa ngakses menyang menu hp becike dibackup dhisik data-data kang kita anggep penting mau, merga sawise reset bakal ilang kabeh data-data mau.

Kanggo nindakake Factory Reset, mangkene carane:

1. Pertama pesthekna baterai kita cukup, minimal 70% kanggo ngendhani bab kang ora dikarepake.

2. Banjur pateni handphone utawa tablet android kita.

3. Tekan lan Tahan tombol Volume Up + HOME + Power kanthi bebarengan sawenehing dhetik.



1. Gunakna Volume Up kanggo milih menu “Factory reset / wipe data”.

2. Banjur tekan tombol Home kanggo miwiti proses reset.

3. Tunggu sawenehing dhetik nganti prosese rampung.

4. Sabanjure pilih maneh menu Reboot System Now.

Kanthi cara factory reset mau kita bakal bisa ngatasi hp android kang sering restart dhewe, muga-muga tutorial iki mupangati kanggo para sutresna kabeh. (d)***

 

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)