Kimmi Chan kaping 13 rekaman Lagu Smile, I Miss You
Diposting oleh : Administrator
Kategori: Tetepungan Remaja - Dibaca: 343 kali

Kimmi Chan wusanane sah ngetokake single anyar kang judhule “Smile, I Miss You”. Ana kisah menarik ing suwalike perjuangan cewek kang mentas ultah tanggal 2 September ksb jroning ngrampungake re­kaman lagu iki. Saliyane kudu wira-wiri Jakarta-Bali, artis kang uga atlet ice skating profesional iki wajib sabar merga single mau kudu dibongkar nganti kaping 13! Nah lho, geneya bisa nganti ruwet kaya ngono ya?

Mesthi ana alasan khusus geneya la­gu “Smile, I Miss You” nganti kudu dia­cak-acak mangkono. Pranyata, ana mu­sisi top cacah 2 kang nggarap langsung project iki. Pertama, Paul Latumahina. Lead vocal T Five iki dipilih Kimmi mi­nangka vocal director. Kapindho, DJ Echa Anggara 1945MF. Priya kang njabat minangka Head Resident DJ Sky Garden Bali sekaligus MD Hard Rock FM Bali iki terjun total mi­nangka produser musike.

“Yups, spesial kanggo single iki aku dibantu musisi super cacah loro kuwi yaiku DJ Echa minangka music director lan Paul T Five minangka vocal director. Paul uga nambahake suarane ing singleku iki. Dadi konsepe aku featuring Paul Latu­mahina. Kanggo take vocal, lokasi reka­mane ing StudiMaya Dewi Sri, Bali. Geneya kudu ing Bali? Soale Echa kan manggon ing Bali” kandhane pe­nyanyi kang wis ngetokake album Love Me taun 2012 iki.

Kimmi Chan nerusake ‘curhat’-e ma­neh bab se­rune rekaman ba­reng mu­sisi-musisi ksb ing pulo Bali.

“Satemene bisa ae sih take vocal senajan aku te­tep ing Jakarta lan Echa ing Bali. Nanging aku ora bisa yen ora ketemu langsung lan workshop karo Echa. Ngerti dhewe to, aku wonge cre­wet lan per­feksionis. Dadi apa kang dak karepake kudu dikan­dhak­ake lan diwu­judake dening Echa” jlen­trehe Kimmi.

“Satemene Echa pisa­nan nggawe lagu iki akibat isenge ing iPad. Mentahane lagu iki satemene wis suwe dikirim me­nyang aku, mung nalika kuwi aku durung duwe wektu kanggo ngaryakake. Nah nalika wektune pas, aku langsung njaluk Echa ngirimake sa­wenehing dhemo lagu sing liyane. Mbuh kenapa, sing nyanthol tetep sing ‘Smile, I Miss You’ iki. Lucune, Echa wae nganti lali yen dheweke tau nggawe lagu iki” guyune Kimmi ngakak.

Banjur, piye ceritane kowe wusanane milih featuring karo Paul T Five?

“Aku lan Paul iku wis kekancan rada suwe. Malah meh loss contact lah po­koke. Kira-kira 5 taunan ngono lah ora tau ketemu maneh. Merga lagu iki, kita dadi kontak maneh. Saka ngobrol seru, tukar pikiran, nganti njaluk pendapat dhe­weke bab lirik sing tak gawe mau. Pas dheweke lagi lempeng pikirane, Paul langsung take ing omahe. Nalika hasil verse 1-ne dikirim, aku langsung sreg,” imbuhe Kimmi.

“Trus aku arep turu merga sesuk esuk kudu kerja lan Paul uga yen ora salah lagi arep promo radio kanggo T Five me­nyang Bogor. Nah aku turu mau, Paul uga ngomonge turu. Pranyata jam 3 esuk dhe­weke nelfon aku lan ngakon aku mbukak hape supaya ngrungokake bacutane. Dadi wis sawijining kesatuan” sambunge Kimmi kang ngaku oleh in­spirasi lagu ‘Smile, I Miss You’ merga cedhak banget karo Steve Emmanuel kuwi.

Asil diskusi Kimmi lan Paul, banjur di­kandhakake maneh menyang Echa minangka penata musike.

“Nalika Echa ngrungokake maneh, dheweke duwe ide edan liyane. Alhasil saka asil mentah kang pertama dikirim nganti sing wingi aku rekaman iku wis versi ka-13-e haha... Saka kono langsung kita setting jadwal rekaman ing Bali,” ceplos Kimmi kang nambahake nuansa musik lagu iki tetep elektro nanging ana unsur tropical beat lan trap-e uga. (d/ist)***

 

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa