Amunisi
Diposting oleh : Administrator
Kategori: Surabayan - Dibaca: 10 kali

“Perkara senjata sing dituku barek polisi wis mandheg, ee rame maneh merga amu­nisi sing dituku saka Bulgaria niku sing di­arani SAGL (stand- alone grenade launcher) niku termasuk amunisi gae tentara gak gae polisi, malah jarene amunisi sing akehe meh nyandhak nemewu niku tentara gak duwe. Termasuk amunisi anyar sing modhele koyok granat. Amunisi niki cocok gae nye­rang mungsuh sing mumpet, soale amunisi caliber 40 milimeter niku isok mbledhak kaping pindho, masiya gak kenek sasaran nek wis lepas saka bedhile kira-kira sangang detik peluru niku mbledhak dhewe  nye­barna butiran wesi koyok granat nika, makane isok gae nyerang mungsung sing umpetan, amunisi niku banget nyebar pati. Lha nurut undhang-undhang amunisi gae polisi niku onok aturane,” Ning Sumeh sok ngerti ngo­mong ndhuk bala-balane.

Cak Bedja urun omongan “Mbok ya berbahaya, aku herane polisi niku mesthi wis eruh aturan, wong encene bendinane dolinane ya masalah hukum tapine kok purak-purak gak eruh nek amunisi sing ko­yok niku gak gae polisi.”

“Nah lha ya niku cak prasaku sing perlu digenahna, yok apa kaitane sampek tuku amunisi sing termasuk standar militer niku, peluru gae perang. Aku setuju pihak militer barek DPR tah pihak sing wenang liyane sing kudune nlesih,” cak Ari ngimbuhi.

Pak Lik Dur melok omong “Cocok aku ya setuju perkara niku kudu dituntasna, nek iki muk khilaf ae gak masalah, sing dadi masalah barek dadi masalah gedhe,nek tukune amunisi niku duwe tujuan tertentu, awak dhewe wong cilik gak eruh apa-apa, ding dikuwatirna nek ndhuk suwalike niku onok perkara politik sing numpaki, mbok bisa dadi masalah gedhe temen. Nek encene gak onok tujuan napa-napa encene muk gae keperluan keamanan, ya gak masalah. Bener nek saniki amunisi niku disimpen ndhuk gudhange tentara, dadi sawayah-wayah nek dibutuhna, isok dikontrol gae apa.”

(Sing seneng urip ayem tentrem: Cak Ari, Cak Bedja, Pak Lik Dur barek Ning Sumeh).

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)