Makam Dawuhan
Diposting oleh : Administrator
Kategori: Banyumasan - Dibaca: 10 kali

“Ramane, inyong pengin ngerti, senajan inyong wong Banyumas, ningen nganti sekiye durung tau weruh lan durung tau ziarah maring makam para pepundhen sing tau dadi adipati Banyumas. Jere monge angger wong Banyumas dolan utawa ziarah maring Dawuhan, bakal ngerti sejarah madege Banyumas jaman Joko Kahiman. Keprimen critane, Ramane?” takone mbekayu Sari, penyiar radio swasta niaga sing klairan Kroya maring ramane ya Kaki Bawor karo nyruput duduh mie ayam nang warung bakmine Kaki Kuswandi.

“Sari, desa Dawuhan kuwe salah siji desa kuna nang Kecamatan Banyumas. Dununge kurang luwih limang kilometer sekang alun-alun  Banyumas. Nang desa Dawuhan ana komplek pesarean sing jembare nganti hektaran. Ya nang salah siji pesarean kuwe ana pesa-rean panggonan disarekaken para bupati Banyumas, kelebu pesareane adipati Banyumas kawitan Joko Kahiman utawa adipati Warga Utama.”

Seliyane dadi komplek pemakaman para adipati Banyumas, nang desa Dawuhan uga ana museum pusaka Banyumas jaman kuna nang Kalibening. Pusaka-pusaka kuwe ajeg saben wulan Maulid dikumbah lan dijamasi nang sumur sing dununge nang sendhuwure gumuk. Ningen senajan nang ndhuwur gumuk, banyune ora tau sat, senajan mangsan ketiga ngerak. Sumur kuwe dening warga dijenengi sumur pasucen. Nurut warga sing percaya, banyu sumur teyeng nekakaken keberkahan lan diengo ngobati penyakit. Biasane  dianggo nginum utawa adus.  

“Ramane, nek kaya kuwe desa Dawuhan saben wektu mesthi rame ditekani warga?” takone Tebok karo nyruput dhawet ayu sing didol nang pojok alun-alun Banyumas, ngarep mesjid Nur Sulaeman.

“Apamaning desa mau pancen nang ndhuwur pegunungan, dadi seliyane ndeleng jamasan, warga ya teyeng nonton pemandangan Pegunungan Serayu lan kali Serayu sing dununge nang sisih lor pegunungan Serayu,” kaki Bawor njelasaken.  

“Keramean liyane nang Dawuhan apa Ramane?” Tebok egin kepe­ngin ngerti.

“Saben Hari Jadi Kabupaten Banyumas, komplek makam, utamane makam Joko Kahiman ajeg dijiarahi dening bupati Banyumas, kelebu bupati Banyumas sekiye. Kuwe mujudaken salah siji bektine marang pepunden utawa leluhur sing ngedekaken Banyumas. Jalaran Raden Joko Kahiman sing dadi salah sijine mantu Adipati Wirasaba dikenal watake sing maen. Watak Satria. Jaman Joko Kahiman, kadipaten Wira­saba dibagi dadi papat. Telu bagian dipasrahaken maring putra kakunge adipati Wirasaba. Wilayah Kejawar sing njuran dadi kadipaten Ba­nyumas, diasta dhewek dening Adipati Joko Kahiman.”

“Ramane, nek kaya kuwe inyong rika ziarah maring makam Da­wuhan, seliyane nggo ndongakaken maring para pepundhen Banyumas, uga ngenang jasa-jasane para pepundhen sing kanthi ihlas ngedekaken lan nggedhekaken kabupaten Banyumas. Apamaning nek dideleng, nang kono uga disarekaken Adipati Kasepuhan Banyumas raden Tja­krawedana sing melu trukah ngedekaken Kadipaten Cilacap ya ramane.” Mbekayu Tebok mulai paham maknane ziarah maring makam pe­pundhen.

KLILAN

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)