Aja Usil, kenya Mungil iki Mahir Taekwondo lo!
Diposting oleh : Administrator
Kategori: Olahraga - Dibaca: 12 kali

Jenenge Abila Dwi Rahayu. Rupane ayu kulite kuning resik. Awake lemes kaya rambut luruse kang ireng njanges. Pawakane mungil, nanging sapa ngira kenya 17 taun iki ahli bela diri Taekwondo lan lang­ganan juara. Sacara fisik, bisa dibadhe akeh pemuda sing naksir. Nanging yen coba-coba usil, becike pikir-pikir dhisik.

Abila mujudake siji ing antarane loro unggulan atlet Taekwondo Jawa Timur kang diajab makili Indonesia dadi juara ing Asian Games 2018 mengko. Maklum, sajege isih bocah, cewek asal Pamekasan, Madura, iki bola-bali nyabet gelar juara.

“Kawitan oleh juara nalika umur 12 taun, nalika iku tas lulus SD lan arep mlebu SMP. Aku juara siji kejuaraan tingkat provinsi Jatim,” ujare Abila nalika ditemoni ing sela-selane ajang Kejuaraan Taekwondo Pengurus Provinsi Jatim ing Gedung Olahraga Joyoboyo Kota Kediri, Jawa Timur, Sabtu, 7 Oktober 2017.

Sajege iku, bola-bali oleh juara tingkat kang padha. Abila ngaku meh saben wulan melu kejuaraan tingkat Jatim lan asile padha: juara siji!.

“Terus melu PON ing Jabar wingi, posisi telu. Ing Popnas uga peringkat telu,” ujare siswi kelas 3 SMA iku.

Ing ajang internasional, Abila ngaku tau makili Indonesia kanggo kategori cabang olahraga Taekwondo ing Asian Junior ka-4 ing Kazakhstan.

“Nanging dudu juara, mung mlebu peringkat kalima,” imbuhe.

Abila ngaku seneng Taekwondo sajege ish bocah. Dheweke wiwit nggabung sajege kelas 4 SD. Kebeneran, ing sekolahane ana kegiatan ekstrakurikuler bela diri Taekwondo.

“Aku melu lan seneng Taekwondo nganti saiki,” tandhese.

Dudu perkara gampang kanggone Abila ambyur ing jagading adu fisik. Wong tuwane sempat nglarang, utamane ibune. Nanging dheweke kerep dhedhelikan nalika latihan.

“Ujare wong tuwaku, Taekwondo iku olah ragane cowok. Nanging sawise  aku juara terus, diparengake,” ujare.

Ditakoni bab cowok, Abila ngaku nganti saiki durung duwe pacar. Apa cowok akeh sing sumingkir merga dheweke ahli Taekwondo?

“Enggak lah. Malah kerep aku ditakoni, ‘Abila, kowe juara Taekwondo? Tapi kok awakmu lemes banget, kanca-kanca sering kandha mangkono,” jlentrehe.

Ing Kejuaraan Jatim dinane iki, Abila mujudake siji saka total 1.500 peserta lomba tingkat prakadet, kadet lan pemula, saka 35 kabupaten/kota sa-Jatim.

“Kejurprov  Jatim iki persiapan atlet kanggo ngadhepi Kejuaraan Nasional November mengko ing Jakarta lan Sea Games taun narep,” ujare Ketum Taekwondo Jatim, Ishaq M Siregar.

Saaauntara kuwi Ketua Harian Taekwondo Jatim, Steanus Sumarsono, ngajab Kejurprov ing Kediri dadi semangat kanggone para atlet Taekwondo Jatim, kang  biyene dikenal minangka provinsi gudhange atlet nasional Taekwondo. “Muga-muga bisa gumregah maneh Taekwondo ing Jatim,” panutupe. (d/ist)

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)