M a l i n g
Diposting oleh : Administrator
Kategori: Sing Lucu - Dibaca: 121 kali

M a l i n g

Pulisi   :       “Kowe kuwi, nyolong wedhus telu kok ngaku siji, mukir ya?”

Maling :       “Yakin, setunggal Pak.”

Pulisi   :       “Lha, nyatane barang bukti, wedhus telu, ngono kok isih arep kumbi?”

Maling :       “Demi Allah, kula niki ming nyolong setunggal. Wedhus kula tuntun, mboten ngerti anake sing loro padha nginthil. Rak salahe wedhuse ta? Gelem-geleme nginthil maling.”

Pulisi   :       “Bener juga, lu, maling!!! (Kir: Begawan Cipto Adi)

 

D o k t e r   1

Gareng  :      “Cilaka, kala-kala priksan dokter wae kleru.”

Bagong :      “Kleru piye?”

Gareng :      “Aku ngaku lan ngangluh yen diare, lha kok doktere kandha, supaya aku aja mangan suket nom dhisik, lan kandhange disemprot nganggo obat anti rabies.”

Bagong :      “Jebul...?”

Gareng :      “Aku kleru priksan nang dokter kewan.”

Bagong :      “Pas!!!” (Kir: Begawan Cipto Adi)

 

D o k t e r   2

Pasien   :      “Dokter yen suntik neng kene iki, lara apa ora?”

Dokter   :      “Ora lara, jarene malah kepenak.”

Pasien   :      “Buktine?”

Dokter   :      “Senajan muni adhuh karo pringisan, nyatane lebar suntik dha gelem mbayar kuwi.”

Pasien   :      “Malah ana sing tuman, ya?”

Dokter   :      ???!!!!! (Kir: Begawan Cipto Adi)

 

A B C

Gareng :      “Kowe omah-omah lagi rong taun, uripe wae pas-pasan, kok wani-wanine ngingu babu loro, tur ayu-ayu.”

Bagong :      “Kae dudu babu, nanging bojoku sing nomer loro lan nomer telu.”

Gareng :      “Oo... dadi bojomu, telu ta??!!”

Bagong :      “Ora telu, bojoku mung siji. Nanging IA, IB, IC.”

Gareng            :           ???!!!!! (Kir: Begawan Cipto Adi)

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…